JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN kondena Polísia tiru gás lakrimojéneu hakanek manifestante ida

PN kondena Polísia tiru gás lakrimojéneu hakanek manifestante ida

Deputadu Parlamentu Nasional kondena elementu Polísia Nasional Timor-Leste (PNTL), Unindade Task Force Munisípiu Díli tiru kanek inan feton ida ho gás lakrimojéneu wainhira vítima hakarak hato’o karta petisaun ba Parlamentu Nasional.

Akontesimentu iha Tersa (02/04) iha Parlamentu nia oin nee sai preokupasaun ba Vise Prezidente Prezidente Parlamentu Nasional nebe mos nudar membru Komisaun B Parlamentu Nasional ba asuntu Defeza no Seguransa.

Vise Prezidente Parlamentu Nasional (PN), Luis Roberto da Silva kondena hahalok husi Polisia Nasional Timor Leste (PNTL), Unidade Task Force nebe halo negosiante inan feton ida nia ulun kanek to’o ran fakar iha Parlamentu Nasional nia oin bainhira halo Marsa da Paz atu intrega petisaun ba iha PN.

Luis Roberto hatete nudar membru komisaun B nebe trata kona ba Defesa no Seguransa husu ba PNTL nebe halo servisu iha tereno atu halo atendementu ba kualker situasaun saida deit tenki ho profesional labele ho brutalismu.

“Kuandu ita implementa lei no ordem ho ita nia brutalismu maka sei la hadia ita nia rai ne’e ba oin, liu-liu ba estabilidade. Tanba ne’e maka nudar membru komisaun B husu nafatin ba PNTL atu servisu baseia ba lei no profesional atu bele atende ita nia komunidade, servi ba ita nia povu ne’e ho diak ba futuru,” dehan Luis Roberto iha PN.

Vise Prezidente orgaun lejislativu nee dehan tan kuandu PNTL hatudu hahalok hanesan ne’e signifika katak ladun profesional kuandu atua situasaun ruma, probelama saida deit tenki hatudu ita nia profesionalismu, kuandu ema ran signifika katak atuasaun ne’e brutalismu.

“Komunidade sira mai, tanba ladun satisfas ho guarda munisipiu nebe prende hela deit negosiante sira nia sasan, tanba ne’e maka nudar sidadaun mai hato’o sira nia preukupasaun. Baseia ba ita nia lei inan nebe preve la fo limitasaun ba ema ida-ida nia direitu, fó liberdade ba se deit atu responde ba sira nia vida moris,” dehan Luis Roberto.

Lee hotu :   PNTL kaptura autor prinsipal Rama Ambon

Iha fatin hanesan reprezentante grupu negosiante ambulante,  Constantino de Jesus, esplika katak atividade ne’e laos halo manifestasaun, maibe long mars deit hodi hato’o no eziji povu aileba sira nebe fa’an sasan iha dalan ninin.

“Ami halo komunikadu imprensa iha Largo no diside atu lori petisaun ne’e mai Parlamentu Nasional, ami nia ezijensia maka kona ba karta notifikasaun no rezolusaun nebe maka foti husi autoridade munisipal nebe dehan iha tempo besik sei hasai no duni hotu povu nebe fa’an sasan iha dalan ninin, tanba ne’e maka ami mai eziji Parlamentu atu labele taka matan,” dehan Constantino.

Reprezetante negosante nee dehan tan ohin (horseik-red) mai ne’e long mars no lahalo manifestasaun, maibe derepente Polisia Task Force sira mosu mai no tiru kedas Gás Lakrimojéneu.

Mateus Fernandes husu vítima hato’o keisa

Segundu Komandante Jerál PNTL komisariu Mateus Fernandes, husu manifestante vitima negosiante  involve iha manifestasaun  ne´ebé kona tiru  gás lakremugénio husi membru  PNTL,  rezulta kanek iha ulun fatuk,  husu atu ható keisa  hodi loke prosesu investigasaun.

 Iha Tersa  (02/04/19) vendedor  ambulante  husi Lecidere organiza manifestasaun  marsa da paz  iha Resintu Parlamentu Nasional,  hodi ható sira lamentasaun  no prekupasaun kona-bá  servisu Jestaun Merkadu husi Munisípiu Díli, ne´ebé mak husi loron ba loron halo operasaun iha sidade Díli laran hodi halot vendedor  sira ne´ebé mak fan sira ninia sasan iha estrada ninin.

Ho manifestasaun ne´e, Segundu Komandante Jerál PNTL Komisariu Mateus Fernandes,  orienta kedas Segundu Komandante PNTL Munisípiu Díli Interino Superintendente Assistente Euclides Belo,  hodi hatun forsa seguransa atu bele fó seguransa ba manifestante sira hodi organiza sira ninia manifestasaun la´o hakmatek   no ténki dook  100 metrus husi Resintu Parlamentu Nasional. La disiplina diskulpa, ténki respeitu ema seluk ninia liverdade.

Lee hotu :   PNTL ho F-FDTL sei implementa regra Estadu Emerjénsia

“Ha´u seidauk rona informasaun ne´e karik iha vitima ruma, ba hatoo keisa, prosesu  investigasaun mak sei detekta pronunsia katak, iha  provas  mak bele hateten buat los mak ida ne´e“,esplika   Segundu Komandante Jerál PNTL Komisariu Mateus Fernandes,   ba jornalista sira Tersa (02/04/19) iha Kuartel Jerál PNTL Caicoli Díli.nes/avi

Add to Comments Here!!!!

error: Content is protected.
Secured By miniOrange
You might also like:
DIA 2/04/19 || GMNTV LIVE STREAM || JORNAL NASIONAL KALAN

HABURAS VIDA ESPIRITUAL Edição 79

DIA 2/02/19 || GMNTV LIVE STREAM || JORNAL AS 12

Close