Kazu Golgota involve membru polísia tránzitu Euclides Belo: Ami sei foti medida

Komandante PNTL Munisípiu Díli Interino Superintendente Assistente Euclides Belo,  promote sei foti medida ba membru polísia tránzitu ho inisial JS, ne’ebé deskonfia halo agresaun fíziku hasoru komunidade bairu Seroja iha Golgota.

Euclides Belo,  simu ona relatóriu husi Polísia Eskuadra Dom Alexio, no Seksaun Trânzitu Munisípiu Díli.

“Husi relatoriu  ne’e sei kanaliza ba ami nia hirakia Komando nian. Agora pesoal sira  ne’ebé involve ami sei foti medidas  hodi submete ba prosesu investigasaun iha seksaun Justisa PNTL”, esplika Komandante PNTL Munisípiu Díli Interino Superintendente Assistente Euclides Belo, ba jornalista sira Kuarta (08/05/19) iha Kuartel PNTL Munisípiu Díli.

Tanba, João Almeida, husu ba   lejada atu hato’o keisa hodi loke prosesu investigasaun ba kazu refere.

“Ami husu ba parte lejada hato informasaun sira liu husi hirakia  ita estabelese ona iha eskuadra Dom Alexio no Komando PNTL Munisípiu Díli nomós Komando jerál para  depois  ita aberta bele loke  mós prosesu”,dehan Euclides Belo.

Alende ne’e, Diretór Ezekutivu Fundasaun Mahein (FM) João Almeida, konsidera aktu ne’ebé mak komete husi  membru Trânzitu ho inisial JS nudar aktu indisiplinar.

“Aktu sira ne’e indisiplinar, ho akontesimentu sira ne’e, maibe iha aktu criminal mós.Tanba ne’e komunidade  vitima ba kazu ne’e bele hato’o keisa. Alende ba PNTL bele ba Ministériu Públiku ou Prevedoria dos Dereitus Humanus  Justisa,  atu bele halo investigasaun”,dehan João Almeida.

Entretantu kazu  akontese/ iha Domingu (05/05/19) iha Aldeia Golgota Postu Administrativu Dom Alexio Munisípiu Díli.avi