Kazu krime no sivíl 187 pendente iha Tribunal Rekursu

Prezidente Tribunál Rekursu, Deolindo dos Santos, hateten kazu 187 mak pendenti hela iha Tribunal Rekursu (TR). Total kazu nee, krime 151 no kazu Sivil 36.

Prezidente Tribunal Rekursu, Deolindo dos Santos, hato’o lia hirak nee ba Jornalista sira, Segunda (13/5), hafoin enkontru ho Prezidente Republika iha palasio presidensial.

Durante sorumutu ne’e, Prezidente Tribunal Rekursu informa mós kona-ba kazu ne’ebé pendente iha Tribunal Rekursu no Tribunal de Contas.

Iha Tribunál Rekursu kazu ne’ebé pendente tantu krime no sivíl 187 kompostu husi kazu krime 151, sivíl 36, no iha tribunal de contas kazu 19.

“Iha 151 kazu krime 36 kazu sivil ne’e tun ituan, inisiu tinan ida ne’e Tribunal de Kontas pendenti 19 kazu prosesu entaun ami iha planu asaun 2019 nian dehan katak ami labele prosesu tán prossu foun,” dehan, Deolindo dos Santos.

Prezidente Tribunal Rekursu nee esplika katak sé iha kazu ruma ne’ebe prioridade mai husi pedidu Parlamentu Nasional, Governu, tanba servisu Tribunal de Contas ne’e atu haree tuir osan Estadu nian no povu tomak nian gastus to’o iha ne’ebe.

No husi ne’e mak Tribunal de Kontas buka tuir no kazu balun urjentimente Tribunal de Contas haree ba ida ne’e .

Maske nune’e, Prezidente Tribunal Rekursu la esplika detallu konaba kazu haat ne’ebé konklui ona nia prosesu husi Tribunál de Contas.

Nia parte lembra deit mak prosesu kazu edifísiu Komisaun Funsaun Públika ne’ebé konklui ona mós nia prosesu.Eus