Labarik ida mate iha Becora tanba kareta soke

Kareta  kameoneta ida ho sapa matríkula 55-0758  Timor-Leste, soke mate  Jacob Loicai de Carvalho  tinan 8 iha Becora Díli. Asidente  ne´e akontese  iha Sábadu (25/05/19) mais ou menus  tuku 3 loraik oras Timor-Leste.

Kareta  ne´e mai husi Dirésaun Fatuahi  atu mai kapital Díli, maibe  wainhira besik terminal motorista lakon kontrolu hodi soke kedas motor  bebek ida ho sapa matrikula M 1835 TL Revo,  husi kotuk hodi rezulta vítima  nia ulun nakfera  mate kedas iha fatin.

Liu tiha minutu balun seksaun Tránzitu to’o iha fatin akontesimentu  hodi evakua mate isin ba  iha mortuáriu  Hospital Nasionál Guido Valadares.

Tuir informasaun balun haktuir husi familia vítima katak/ mate isin  la konsege halo autopsia  tanba ne´e kauza husi asidente tráfiku, dotor patolojia sira desidi hamo’os de´it ran hodi entrega hikas ba família iha Domingu (26/05/19) loron 26 fulan Maio tinan ne´e, hodi lori ba halot iha Builale Postu Administrativu Ossu Munisípiu Viquque.

Nune´e suspeitu la detein iha sela tanba rezolve tuir família, parte kareta nain responsabiliza ba nia prosesu funeráriu tomak komesa husi seremonia funébre no koremetan nune´e  responsabilzia mós ba Lino de Carvalho nudar matebian nian aman ne´ebé mak hetan  kanek kondus motor bebek  involve iha asidente tráfegu  refere.

Enkuantu kareta ho motor ne´e, agora dadauk rai hela  hela iha Kuartel PNTL Munisípiu Díli.avi