JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Filomeno Paixão: Lista kobransa ilegál submete ona ba CAC ■ Karimbu ida folin USD 400

Filomeno Paixão: Lista kobransa ilegál submete ona ba CAC ■ Karimbu ida folin USD 400

Ministru Defeza no Interior Interinu, Filomeno Paixão, hateten funsionáriu Polísia Migrasaun iha Fronteira Mota-Ain (Batugade) no Aeroportu Internasional Nicolau Lobato Comoro Dili, ne’ebé komete kobransa ilegál submete ona ba Komisaun Anti Korrupasaun (CAC-sigla portugés) atu prosesa tuir lei.

“Sim, migrasaun ita hotu preokupa la’os prezidenti deit kona-ba atuasaun balun ladun tuir regras ate ha’u husu Inspeksaun Gabinete Interior nian ba, kobransa barak lá tuir regras iha kazu balun ha’u submete ona ba CAC, iha kazu balun Inspeksaun Jeral sei haree hela”, dehan Ministru Defeza no Interior Interinu Filomeno Paixão, hato’o lia hirak ne’e hafoin informa servisu Ministériu Defeza no Interior ba Prezidenti Repúblika Francisco Guterres Lú Olo, iha Bairo Pite-Dili, Tersa (25/06/2019).

Governante ne’e esplika tipu kazu sira ne’ebe mak submete ba CAC mak hanesan sosa karimbu 32, karimbu ida ho folin 400 dolar, kazu balun hola bilete besik mos karun dala rua tiha.

Maske nune’e, Governante ne’e la mensiona lista funsionáriu na’in hira mak komete kazu kobransa ilegál ne’ebe oras ne’e sira nia naran submete ona ba (CAC).

“Agora ba husu CAC, ha’u haruka tiha ba ona ha’u agora CAC deit, tanba ha’u iha servisu barak atu halo,” hateten, Filomeno Paixão.

Eis vise Xefe estado Maior Jeneral nee dehan katak bainhira ekipamentus sira ne’e kontinua manual hela deit susar atu detekta ne’ebe mak atu halo kobransa illegal, liu-liu kona-ba osan.

“Ita nia sistema ne’e manual deit lá fasil ita atu identifika iha ne’ebe mak iha fuga de osan, kuandu ita nia sistema monta ona internet iha hotu, iha CCTV iha fatin hotu no ema tama buat hotu registradu entaun kobransa ba illegal ne’e susar,” hateten, Governante.

Lee hotu :   Alfândega prende tua ho sigaru ilegál ■PNTL detein ona suspeitu

Atu rezolve problema kobransa illegal sira nee, Ministru Defeza no Inetrio Interinu dehan nia parte tau ona osan ba tinan oin no iha prosesu perkurament nian atu hola hodi halo substifikasaun ba ekipamentu internet iha Mota-Ain, no Aeroportu Comoro.

Antes nee Ministru Defeza no Interior Interinu simu keixa husi ema estranjeiru sira liu husi karta eskrita no verbal katak ajenti polísia migrasaun balun iha  Aeroportu Internasionál Nicolau Lobato no Fronteira Mota-Ain (Batugade) halo kobransa ilegal ka simu subornu husi ema estranjeiru ne’ebé mai vizita Timor Leste. Eus

Add to Comments Here!!!!

error: Content is protected.
Secured By miniOrange
You might also like:
PM Taur sofre moras estómagu inflamasaun

Vise Ministru Saúde, Bonifacio Maukoli dos...

Viola lei traballu, Traballadór halo asaun greve hasoru kompañia Mira-Mar Block

Traballadór  hamutuk na’in 60 resin, Tersa ...

Filomeno Paixao husu UEP kontinua hala’o operasaun iha tempu kalan

Ministru Defeza no Interior Interinu, Filomeno...

Close