JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu Timor-oan lori droga ba Atambua, posibilidade iha krime koneksu ■ TL sei esforsu proteje nia sidadaun na’in rua

Kazu Timor-oan lori droga ba Atambua, posibilidade iha krime koneksu ■ TL sei esforsu proteje nia sidadaun na’in rua


Komisáriu Comição Anti Corupção (CAC-Sigla Portugés), Sergio Hornai, hateten kazu sidadaun Timor-oan nain rua ne’ebé lori droga  husi Timor-Leste tama ba Atambua-Indonézia detein ona iha sela polísia Atambua Belu iha loron 29 fulan Maiu tinan ne’e posibilidade bele iha krime koneksu no la’os krime independentemente ka autónomu.

Tanba ne’e, dadaun ne’e CAC halo servisu maka’as atu haree risku ne’ebe lori instituisaun Alfândega ho sevisu Migrasaun ba iha korupsaun no mal administrasaun.

“Bom! prelimináriamente ami iha ona koiñesimentu liu-liu servisu hamutuk ho Polisia Sientífiku Investigasaun Kriminal (PCIC-Sigla Portugés), tanba ne’e kompetensia propriu servisu PCIC ninian, maibe la ses án mos bele iha prosesu investigasaun ida sei apura husi Polisia Sientífiku Investigasaun Kriminal, nomos iha posibilidade bele iha krime koneksu balu bele akontese, entaun kona-ba krime droga ne’ebe iha la’os krime independentemente ka autónomu maibe krime sira ne’ebe sei iha koneksu. Ha’u hanoin servisu investigasaun, liliu ba iha Alfândega nomos ba iha migrasaun ninian, ita halo servisu maka’as los oinsa mak atu bele minimiza risku sira ne’ebé lori instituisaun ne’e ba iha korupsaun ka mal administrasaun”, Komisáriu CAC, Sergio Hornai, iha PN, Segunda (03/06/2019).

Iha sorin seluk prezidente komisaun B Parlamentu Nasionál, ne’ebé trata asuntu negosiu estranjeiru, defeza no seguransa deputadu Adérito Hugo, hateten ho akontesimentu kazu droga refere hatudu provas katak Timor-Leste iha problema sériu kona-ba jestaun fronteira liu-liu liga ho papel Alfândega ho servisu migrasaun.

Deputadu Adérito lamenta ho akontesimentu ne’e no husu tenke halo investigasaun klean nune’e bele hetan motivu lolos kona-ba kazu droga refere.

“Ita nian parte mos halo ona kapturasaun ba autor prinsipal ne’e iha Díli, no ita hein katak ivestigasaun ne’e to’o iha ne’ebé, se nia mai hanesan tiha aimoruk ona, tama mos livre e sai mos livre, ida ne’e mak hamosu dúvida, buat ruma lalolos ona iha ne’eba (fronteira)”, sublinha deputadu Adérito Hugo.

Timor-oan nain rua ne’e detein ona iha sela polísia Atambua Belu iha kuarta loron 29 fulan Maiu tinan ne’e deskonfia lori tama droga ho tipu extasi tablet 4,874 husi Timor-Leste ba Atambua Indonézia liu husi  fronteira Mota Ain.

Família husu Estadu Indonézia liberta Timor-oan na’in rua iha NTT

Portavoz   família vítima, Francisco Luis Soares, husu Estadu  Indonézia, atu liberta Timor-oan na’in rua JSP ho AS nu’udar fen ho laen, fila-fali mai Timor-Leste. Timor-oan na’in rua ne’e sai  vítima husi aktu  sidadaun Filipina na’in tolu ne’ebé uza sira hodi haruka  pakote printer ida ba Nusa Tenggara Timur (NTT) Indonézia,  maibe iha  pakote laran  ne’e  droga ho tipu extasi.

Timor-oan   nain rua ne’e   ho inisial JSP mane no AS nudar fen,  autoridade seguransa  Indonézia detein  iha semana kotuk iha sela Polísia detensaun,  tanba deskonfia hatama droga ho tipu extasi  musan 4.874,  ba  Indonézia.

Lee hotu :   Membru F-FDTL balu jura ba partidu, Lere: Deputadu sira koalia tenke hatudu evidensia

Relasiona ho kazu  ne’e,  família hela iha Aldeia Frecat,  Suku Bairro-Pite Postu Administrativu Dom Alexio Munisípiu Díli,  iha Segunda (03/06/19), hala’o konfrensia imprensa, hodi  husu Estadu Timor-Leste ho Indonézia, atu prosesu kazu ne’e tuir dalan legal hodi haruka fila-fali Timor oan fen ho laen fila-fali  mai Timor-Leste.

“Hanesan alin ida ami ijize liu-liu ba Estadu, entre Timor-Leste no Indonézia, oinsa atu buka resolve, ami família mós sei la’o hodi tuir prosesu lei ita nian, atu husu tulun ba nai ulun sira, parte seguransa ninian  bele kolobora hamutuk hodi lori fali ami nia bin no maun fila mai Timor-Leste”,esplika Portavos  Francisco Luis Soares.

Alende ne’e, Isabel  da Silva, ho matan ben, senti hakfodak, wainhira rona nia oan mane  JS ho ninia feto foun   AS, autoridade seguransa deteín iha Indonézia, tanba lori droga.

“Ha’u rona informasaun ne’e senti soke los ha’u nia fuan, nia mak durante ne’e hamutuk ho ami iha uma laran ne’e, ami laran metin ba nia, agora nia ema kaer tiha, ami tuur ho matan ben”,dehan Isabel  da Silva.

Alende ne’e Customs Broker, Júlio Ferreira  katak, paket ne’e mai husi rai liur liu husi Aeroportu Internasionál Nicolau Lobato Comoro Díli,    deste loron Paskoa tinan 2019,  no   iha semana kotuk haruka ba NTT, maibe hetan kapturasaun husi autoridade seguransa Indonézia.

“Ha’u la hatene lolos orijin, paket ne’e husi nasaun ida ne’ebé, durante ne’e upload ba iha manifestu  sistema Alfândega nian,  ténki upload tiha iha manifestu depois ténki data base, maibe ida akontese ne’e nia (patraun), la fó manifestu ba ha’u,  kal  buat sira hanesan ne’e mak nia (patraun) la hatudu mai, ha’u kona-ba manifestu ne’e”,dehan Júlio Ferreira.

Nune’e mós, Manager Miramar Block, Osvaldo Tavares hateten,  sidadaun Filipina  JG ho Mey,  aluga uma Kompañia Miramar Block  durante fulan 6 ona, komesa fulan Janeiro 2019 to’o fulan Juñu ne’e.

“Hanesan kompañia, ha’u hanoin  sé kazu ne’e akontese duni, ami mós pronto hapara ami nia kontratu ho sira, liga ba kazu ne’ebé mak agora dadauk iha, tanba ami lakohi afeta mai ami, ha’u garante sei labele akontese mai, tanba objetivu ne’ebé mak sira halo, ami la hatene”,dehan Osvaldo Tavares.

Polísia Nasionál Servisu Investigasaun Kriminal detein ona detein ona sidadaun Filipina nudar fen ho inisial JG no Mey, no sidadaun Filipina mane ida seluk iha Dellta 1 seman ne’e.

Tuir planu,  sidadaun nain tolu ne’e, submete ona ba primeiru interógatoriu iha Tribunal Distrital Díli iha  Segunda (03/06/19).

Antes ne’e KomandanteJerál PNTL Komisáriu Faustino da Costa hateten, sidadaun Timor oan sira ne’e, sei tuir prosesu investigasaun iha NTT Indonézia,  tanba Estadu rai rua  ne’e seidauk iha akordu extrádisaun.

Lee hotu :   PNTL husu Governu autoriza halo operasaun ba GAM ■Julio Hornay:Arte marsiál labele domina TL

Entretantu Timor oan nain rua detein, iha sela Polísia Atambua Belu, iha Kuarta loron 29 fulan Maiu tinan ne’e, mais ou menus 11 meiudia oras Indonézia, tanba deskonfia hatama droga ho tipu extasi  musan ka butir 4.874 husi Timor Leste baAtambuaIndonézialiuhusiliña fronteira Mota Ain.

Droga hirak ne’e detekta husi x-ray servisu Alfândega NTT iha fronteira Mota-Ain.

Deskonfia involve funsionáriu Alfándega

Vise Ministra Finansas, Sara Lobo Brites, hatete rezultado investigasaun mak sei hatene, tamba sa mak Alfandega labele detekta droga tipu extasi ne’e tama ba Indonesia, nunee autoridade indonesia nian mak detekta hetan .

 “Hau hanoin lei sira ne’e ita tenkiser reve fila-fali nia prosedimentu ,regras sira ne’e tenki impoin ,maibe tenki rekruta mós ema ba treinu no kria kondisões para sira bele  hatene ,bele iha integridade ,bele hatene sira nia kna’ar para labele monu iha tentasaun sira hanesan ne’e”, dehan Vise Ministra Finansas no Ministra Finansas Em Ezersísiu, Sara Lobo Brites, ba Jornalista sira, Segunda (03/06/2019), iha Palasiu Governu.

Governante nee hatutan, “Hau hanoin ita hotu akompaña mas, hau hanoin ida ne’e autoridade sira ne’ebé mak kompotente ba ida ne’e mak bele hatan divulga uluk informasaun mos ladun diak ida”.

 Vise Ministra Finansas no Ministra Finansas Em Ezersísiu hatutan  hafoin sira hetan informasaun, ekipa ida tun kedas hodi halo investigasaun ba servisu alfandega iha Fronetira Mota Ain.

Investigasaun nee atu bele hatene, tamba saida mak alfandega Timor nian iha Fronteira Mota ain la konsege detekta hodi liu tiha ba  iha alfándega Indonézia Motaain mak foin detekta fali.

Droga ho tipu extasi musan 4.874 ne’e deskonfia Sidadaun Filipina nain rua mak uza Timor- oan feto ho mane nu’udar fen ho laen lori droga husi Timor ba Atambua Indonézia liu husi fronteira Mota ain iha loron 28 ,fulan Maiu tinan ne’e.

Dadaun ne’e Timor oan nain rua ne’e detein hela  iha sela Polísia Atambua Belu hodi prosesa tuir lei Indonézia nian.

Antes ne’e, Timor oan nain rua detein iha sela Polísia Atambua Belu, iha Kuarta loron 29, fulan Maiu tinan 2019,  mais ou menus tuku 11, meiudia oras Indonézia,  tanba deskonfia hatama droga ho tipu extasi  musan 4.874 husi Timor-Leste, ba Atambua Indonézia liu husi liña Fronteira Mota Ain,droga hirak ne’e detekta  husi x-ray servisu Alfândega NTT iha Fronteira Mota ain.

TL sei esforsu proteje nia sidadaun na’in rua

Governu Timor-Leste (TL), sei esforsu hodi diskute ho Governu Repúblik Indonézia (RI), atu bele proteje nia sidadaun na’in 2 ne’ebé detein hela iha sela Belu Indonézia, tanba deskonfia lori droga ho tipu extasi musan 4.874 ba RI.

Lee hotu :   Lere Anan Timur: Povu mak na’in ba Estadu

Ministru Reforma Lejislativa no Asuntu Parlamentares (MRLAP), Fidelis Magalhães hateten, nu’udar Estadu no Governu iha dever atu apoiu legalmente ba nia sidadaun rasik.

“Governu sei haree hela oinsa atu fó apoiu ba ita-nia sidadaun, kualker Governu nia dever atu proteje nia sidadaun, nune’e nia sidadaun atu bele hetan justisa ne’ebé lolos, ho apoiu legal ne’ebé sufisiente, para bele apoiu durante prosesu hirak ne’e, ida ne’e mak dever Estadu nian. Ita hotu hein, justisa la’o hela, parte Governu nian sei fó apoiu legal ne’ebé mak merese duni, tanba Estadu iha dever atu fó apoiu legal ba nia sidadaun iha ne’ebé de’it iha mundu”, relata Fidelis Magalhães ba jornalista sira hafoin partisipa iha plenária PN, Segunda ( 03/06/ 2019).

Bainhira jornalista husu oinsa atu deporta fila sidadaun na’in rua ne’e, governante ne’e hatete, nia parte lakohi fó komentariu barak, tanba regras no lei nasaun rua nian la hanesan.

“Ita lalika koménta uluk kona-ba prosesu hirak ne’e, tanba prosesu hirak ne’e barak liu la’o iha kotuk, la’os la’o iha públiku. Normalmente iha Timor-Leste ita hotu hatene, ita la aplika hukuman mati ka pena de morte, tanba liga ho ita-nia hanoin direitus humanus, maibé iha parte seluk, sira aplika ida ne’e,

agora kabe ba ita atu halo diskusaun klean hodi bele fó protesaun ne’ebé másimu ba ita-nia sidadaun, maibé di’ak liu ita lalika koménta barak kona-ba ida ne’e, husik justisa hala’o nia kna’ar, ita labele kondena uluk ita-nia sidadaun, antes justisa deside”, relata Fidelis.

Kona-ba servisu Alfândega parte Timor-Leste nian ne’ebé lakonsege detekta aimoruk droga refere,

Fidelis Magalhães akresenta, la’os lahalo servisu,  maibe presiza hadi’ak tan kualidade servisu Alfândega nian.

 “ Ita sempre iha mehi ne’ebé aas atu halo buat hotu, maibé la’os mamuk liu hanesan ita bo’ot sira temi, buat hotu la’o, ita kontinua atu hadi’ak ita-nia kualidade de servisu, maibé kazu sira hanesan ne’e la’os eziste iha Timor de’it, maibé eziste iha fatin barak, hanesan nasaun sira ne’ebé di’ak liu ita, hanesan Estadus unidus Amérika, Rusia no seluktan, país hotu iha mundu kazu hanesan ne’e akontese, normalmente ita preokupa”, dehan eis deputadu  IV lejislatura ne’e.

Antes ne’e, sidadaun Timor-Leste na’in rua nu’udar fen no laen, hetan detensaun husi polísia Indonézia iha sela Belu Atambua, tanba deskonfia hatama droga ba Indonézia ho tipu extasi musan 4.874, ne’ebé deteka husi ekipamentu detekta nian, X-Ray iha Alfândega parte Repúblik Indonesia nian iha Mota Ain Batugade Bobonaro.ito/avi/tos/say

Add to Comments Here!!!!

error: Content is protected.
Secured By miniOrange
You might also like:
DIA 04/06/19 || GMNTV LIVE STREAM || DADER KMANEK

DIA 03/06/19 || GMNTV LIVE STREAM || JORNAL NASIONAL KALAN

DIA 03/06/19 || GMNTV LIVE STREAM || GRANDE ENTREVISTA || PRESIZA KA LAE KRIMINALIZA DEFAMASAUN

Close