Konfrontu iha Benfica, rezulta kareta rua rahun

Konfrontu entre joven sira iha área Benfica , rezulta Kareta  rua rahun, iha fatin akontesimentu PNTL munisípiu Díli hetan mós rama ambon ida ho besi beton ida no motor kanu resin ida. Kazu  ne’e akontese Domingu  (09/06/19) tuku tolu madrugada oras Timor-Leste. Kazu akontese, hafoin joven sira partisipa festa ida iha área Benfica  Kolmera, Díli.

Iha akontesimentu ne’e, Polísia la detein suspeitu ruma, maibe  sasin   hamutuk 22 fó informasaun   ba Polísia  katak,   iha ema nain 10, ne’ebé  sai suspeitu deskonfia involve  iha kazu ne’e.

 “PNTL loke  ona  prosesu  sei rekolla mós dadus balun ligadu narativu prosesu  ne’ebé mak  ita kodigu prosesu penal  fó dalan para depois prosesu sira ne’e ita bele loke”,esplika  Komandante PNTL   Munisípiu Díli Interinu Superintendente Assistente Euclides Belo, ba  jornalista sira Segunda (10/06/19), iha Kuartel PNTL Kaikoli Díli.

Kareta   ne’ebé mak hetan tuda mak hanesan Honda Rav ho sapa matrikula  26-035 TL no pajero   sapa matrikula 10-036 TL no motor Kawasaki  ida ho nia sapa matrikula I 8517 TL.

Motor  ne’e dadauk asegura ona iha Polísia Munisípiu Díli, no kareta rua hetan tuda  familia ida-idak lori fila ba uma hodi troka vidru ne’ebé mak rahun.

Nune’e mós, tuir lei númeru 5/2017/ armas brankas, bandu ema  kaer sasan kro’at hodi  hakanek no   habadak ema seluk ninia vida.avi

 

Leave a Reply

Your email address will not be published. Required fields are marked *