JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNTL tenki servisu maka’as prevene konflitu

PNTL tenki servisu maka’as prevene konflitu

Reprezentante povu iha Parlamentu Nasionál (PN), ezije órgaun seguransa Polísia Nasionál Timor-Leste (PNTL), atu servisu maka’as no halo operasaun ho rigorozu, hodi prevene mosu bebeik krime, liu-liu iha sidade Díli.

“Nu’udar reprezentante povu, ha’u ezije ba Governu, liu-liu parte seguransa PNTL, bele ho rigorozumente hodi halo seguransa ba rai laran, ita-nia servisu intelinjensia ne’e tenki la’o maka’as para evita no reduz problema iha Timor-Leste”, ezije deputadu Fabião de Oliveira ba jornalista iha PN, Kuarta(12/06/2019).

Deputadu ne’e rekomenda ba parte seguransa no servisu fronteira sira, atu bele servisu ho profesional no seríu liutan, nune’e prevene kazu droga labele domina hodi estraga nasaun.

“ Problema sira ne’ebé akontese ne’e, ita labele dun de’it ba arte marsiais, bele mós impaktu husi droga ne’ebé agora tama dadauk ne’e, tanba droga ne’e bele fó impaktu ba joven sira ne’e hodi provoka situasaun, tanba kultura no karakter ita Timor nian, ita-nia joven sira kuandu la hemu tua ne’e nonok, maibé kuandu hemu tua de’it mós bele provoka situasaun, hodi baku malu, satan konsumu droga ne’e oituan tama ba isin, ne’e problema”, afirma Fabião de Oliveira.

Iha sorin seluk, deputadu bankada KHUNTO António Verdial mós rekomenda ba Ministru Defeza no Interior interinu, atu bele fó ordem ba komando PNTL atu servisu ho responsabilidade, tanba estabilidade nasaun nian iha seguransa nia liman.

“Polísia tenki marka prezensa iha terrenu 24 horas, maibé husu mós ba polítiku na’in sira, atu haree mós kesejahtera’an PNTL nian, tanba sela’e bele difikulta mós PNTL sira-nia ánimu atu serví iha 24 horas. Mosu bebeik krime iha teritóriu laran, espesialmente rai Díli, ne’e hatudu katak, ánimu servisu operasional seidauk másimu, sei menus. Tanba ne’e, hanesan reprezentante povu, nafatin husu ba ministériu defeza no ministériu interior atu koordena ho komando PNTL ho didi’ak, no husu atu serví ho fuan laran moos, maske hasoru difikuldade, para nune’e, fó seguransa sustentavel ba rai laran, espesialmente iha rai Díli rasik ne’ebé nu’udar Timor nia fuan”, sujere António Verdial.

Lee hotu :   F-FDTL ho forsa EUA hala’o treinamentu CARAT

Dezde fim tinan 2018 ne’e, to’o tinan 2019 ne’e, mosu krime oi-oin iha Munisípiu no iha sidade Díli rasik, hanesan ataka malu no hana malu subar-subar entre joven sira, inklui iha fulan Juñu ne’e mosu oho malu iha Vemase Baucau no baku joven ida iha Comoro no ema deskoñesidu sira ta’a membru PNTL ida iha eskola 30 de Agostu nia oin.say

Add to Comments Here!!!!

error: Content is protected.
Secured By miniOrange
You might also like:
Komando PNTL kontinua buka tuir suspeitu ta’a ajente polísia Inacio

Maske seidauk kaptura suspeitu ta’a ajente...

DIA 12/06/19 || GMNTV LIVE STREAM || JORNAL NASIONAL KALAN

PN fiar ba kapasidade lideransa Xanana Gusmão rezolve fronteira terrestre TL-RI

Parlamentu Nasionál (PN) iha fiar ba...

Close