JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Trafikante droga hatene TL nia frakeza “Governu akompaña nafatin nia sidadaun na’in rua iha Atambua”

Trafikante droga hatene TL nia frakeza “Governu akompaña nafatin nia sidadaun na’in rua iha Atambua”

Imazen:google

Prezidenti Asosiasaun Majistratura Timor-Leste (AMTL), Antonino Gonçalves, konsidera, dau-daun ne’e trafikante droga hahú hatene frakeza ne’ebé Timor-Leste iha en termu kontrolu, tanba ne’e fasilmente ba sira atu transfere droga mai Timor-Leste.

Tanba ne’e Prezidenti AMTL ne’e sujere, atu halo alterasaun ba lei tráfiku no ilísita droga númeru 2/2017, ho nune’e bele kriminaliza trafikante sira ba kualker típu droga ne’ebé tama mai Timor-Leste.

“Situasaun ne’ebé agora Timor infrenta maka trafikante komesa hatene ita nia frakeza em termus de kontrolu, tanba ne’e sira utiliza Timor hanesan sentru tansferensia droga ho típu oi-oin ba rai seluk, tanba ne’e primeiru presiza hala alterasaun ba lei droga, nune’e bele kriminaliza trafikante sira ba kualker típu droga ne’ebé sira hatama, tanba iha típu droga balun iha ita lei laiha no la kriminaliza, segundu tenki fó mós vensimentu ne’ebé di’ak ba polísia fronteira no alfándega, atu nune’e sira labele monu ba tentasaun subornu, terseiru rekursu umanu em termu de mákina atu detekta típu droga hotu”, Antonino Gonçalves ba GMN iha ninia kna’ar fatin Caicoli-Díli, Kuarta (05-06-2019).

Alende ne’e nia mós kestiona kona-bá medida koasaun ne’ebé dalabarak Tribunal Distrital Díli (TDD) aplika ba arguidu kazu droga sira, tanba sempre aplika Termu Identidade Rezidensia (TIR) no foin dau-dauk ne’e aplika mós ba arguidu husi nasaun Filipina na’in rua (2).

“Iha kazu sidadaun Filipina nain tolu (3) ne’ebÉ fÓ droga ba Timor-Oan na’in 2 lori ba Indonezia ne’e, ha’u haree TDD aplika medida koasaun prizaun preventiva ba arguidu nain 1 no TIR ba arguidu nain 2, maibé ha’u hanoin sira na’in 3 tenki tama iha medida koasaun ida de’it, atu nune’e bele limita arguidu sira nia movimentu no kontaktu ho ema seluk, maibé envez tenki toma medida ne’ebé adekuadu hodi hakotu sira nia liña informasaun, maibé ita maka fó fali oportunidade hodi loke dalan ba trafikante uza nafatin Timor hanesan sentru transferensia droga ba rai seluk, tanba ne’e presiza tetu molok foti desizaun, tanba arguidu nain 3 ne’e mós hela hamutuk, ho nune’e loke dalan ba nain 2 TIR ne’e bele kontaktu ba sira nia grupu kona-bá sira nia situasaun agora, ne’ebé sei difikulta prosesu investigasaun, tanba ne’e TDD iha kna’ar atu aplika medida koasaun ne’ebé makaas hodi izola sira nia informasaun, maibé wainhira aplika medida koasaun kma’an hanesan TIR maka sei la rezolve no labele limita sira nia informasaun”, dehan Antonino.

Lee hotu :   Kazu eis SEAK, Eis xefi gabinete laiha koñesimentu ba expozisaun Koreia

Nia konsidera medida koasaun TIR ne’e hanesan, medida ida ne’ebé popular ona, maibé tenki defini krimi ne’ebé boot hanesan droga, tenki aplika medida koasaun rigorozu la’os TIR, tanba fó risku ba nasaun.

“Ho experiensia ne’ebé iha no ho koñesimentu juíz sira ni’an, tanba juíz la’os moris iha lalehan, maibé moris iha sosiedade nia leet no loro-loron haree televizaun, jornal no iha hanoin bele defini medida koasaun ne’ebé adekuadu ba kazu ne’ebé fó risku ba oan sira nia vida, tanba em termus de kontrolu ita bele dehan sei fraku, nune’e ita tenki aproveita meius ne’ebé iha hodi aplika medida koasaun rigorozu”, haktuir Prezidenti AMTL ne’e.

Governu Timor-Leste kriminaliza aktu droga liu husi lei tráfiku no ilísita droga númeru 2/2017, ne’ebé iha artigu 7 hateten, ema ruma la ho autorizasaun,  importa, kuda, produz, oferese, tau folin, distribui, sosa ka simu husi ema seluk, sei hetan pena dadur tinan 5 to’o tinan 25.

TL kontinua akompaña nia sidadaun na’in rua iha sela polísia Atambua

Ministru Justisa, Manuel Cárceres da Costa, hateten Timor-Leste kontinua akompaña ninia sidadaun kazál Timor ne’ebé, detein hela iha sela polísia Atambua, Belu, tanba halo trafikante droga ba Indonézia.

“ita nia maluk nain 2 polisia indonesia mak kaer iha fronteira Motain, agora sira iha Indonesia ne’ebá ,tamba lokál do krime iha Indonesia tama liu tiha ona ba Indonesia ne’e konforme ona lei indonesia ne’e hatete halo nusa ,sidadaun ita nian ema mak kaer iha ema nia rai dehan lori droga extasi”, dehan  Ministru Justisa   Manuel Carcéres da Costa, ba JNDiário iha Palasiu Governu.

Lee hotu :   PR eziji MP kombate kriminalidade ■Krimi abuzu sexual ás iha munisípiu 3

Governante dehan Timor-Leste la nega nia sidadaun na’in rua, nu’udar fen ho laen ne’ebé lori droga husi Timor-Leste, tama ba Atambua Indonézia, maibé Governu Timor Leste kontinua akompaña desizaun, husi tribunál Indonézia ne’ebé aplika ba sidadaun kazál ne’e.

“Ita iha mos lei ida konaba kooperasaun internasional judisiariu,maibe ne’e kuandu pena ne’e aplika tiha ona desizaun ne’e tranzitu injulgadu tiha ona  ita iha lei rasik hanesan ita nia sidadaun iha fatin ida que nia tenki kumpri sira nian nebe ita hein hela prosesu.Ita hare indonesia permite ita nia defeza ita Timor-Leste iha defensor publiku”, hatete Ministru Justisa Manuel Cárceres da Costa.

Ministru Justisa ,hatete, sidadaun rua ne’e, detein iha sela polísia Atambua, Belu, iha loron 29, fulan Maiu ne’e, tanba deskonfia lori droga ho tipu extasi musan 4.874.

 “Husi parte Timor-Leste ita rekonese katak, ta nia sidadaun duni ,ita labele nega katak, nain laos sidadaun Timor ita hare tok ba oin ita hare oinsa iha indonesia mak aplika hukuman mati ,maibe ita iha Timor-Leste ita nia konstituisaun la permite pena de morte ,prizaun perpetua,ema lei ita labele interfere ne’e lei indonesia nian, ita ho indonesia ita seidauk iha akordu de extradisaun ita nia dever moral mak ne’e ita rekonese sira nain 2 katak, ne’e ita nia sidadaun agora ita hare Estadu ne’e tomak atu halo saida ba ita nia sidadaun nain 2 ne’e Ita mos tenki hare indonesia nia lei saida mak indonesia lei ne’e hakerek konaba sasan sira hanesan droga ne’e”, dehan  Ministru Justisa.

To’o agora Timor-Leste seidauk iha akordu extradisaun ruma, ho nasaun sira seluk hanesan Indonézia, tanba ne’e Estadu Timor Leste kontinua hein deit, desizaun husi indonézia ba trafikante droga ne’e. Ita/tos

Add to Comments Here!!!!

error: Content is protected.
Secured By miniOrange
You might also like:
Semana oin, Aviaun TransNusa hahú voo Kupaun-Díli

Semana oin (14/06), Aviaun TransNusa husi...

DIA 05/06/19 || GMNTV LIVE STREAM || JORNAL AS 12

Jornal Semanário GMNTV Edisaun 2 Juñu 2019

Close