JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu detidu kazál Timor-oan, TL sei la interven desizaun Tribunal Indonézia

Kazu detidu kazál Timor-oan, TL sei la interven desizaun Tribunal Indonézia

Ministru Justisa, Manuel Cárceres da Costa, hateten Timor Leste sei la interven iha desizaun Tribunal Indonézia nian ba sidadaun kazál Timor -oan ne’ebé detein hela, iha sela Polisia Belu,Atambua.

“Ita labele ba impoin iha tribunal Indonézia katak, advogadu tenki ami nian, Indonézia fila dehan ne’e o nia rai ne’e o nia lei ne’e ita atu halo saida ne’ebé ita halo buat ne’e ho kakutak malirin para depois labele fo todan ba ita nia sidadaun sira ne’e, ita tebe retek iha ita nia rai ema aplika lei ema nian ,ita laiha poder atu ba hatete katak, o labele aplika lei ne’e ba ami nia sidadaun sira hanesan mos sira nia ita kaer iha ne’e sidadaun Indonézia balun iha hela kadeia Timor nian.Ita labele ansi ,ita ansi ita bele estraga fali ita nia sidadaun nain 2 ne’e ,maibe ita la’o tuir prosedimentu ne’ebé que Estadu Indonézia ne’e bele respeita ,ita labele obriga Estadu tenki tuir ita nia hakarak lae”, Ministru Justisa Manuel Cárceres da Costa ba Jornalista sira, Kuarta (03/07), iha Palasiu Governu.

Kazál Timor-oan nain rua  ho inisiál JSP no AS, kaptura iha fronteira , Mota-ain ho droga tipu ekstasi musan 4.874, iha printer laran, atu lori ba Kupaun Indonézia.

To’o ohin loron sidadaun timor rua ne’e, kontinua hela iha sela polísia belu Atambua- Indonézia , hodi submete ba prosesu justisa , tuir lei nasaun ne’ebá nian.

Atu labele fó todan ba Sidadaun kazál Timor oan nain rua ne’e, Governu ,no Estadu sei halo diplomasia, hodi la’o tuir prosedimentu ne’ebé Estadu rua ne’e iha , no Timor-Leste kontinua respeita desizaun Indonézia.

Lee hotu :   Semana oin, PR anunsia kandidatu ba Xefi Estadu Maior F-FDTL ■ Lei bandu idade reforma lidera F-FDTL

“Buat hotu-hotu ita la’o tuir prosedimentu  no mekanismu ita labele impoin labele obriga, katak Indonézia tenki tuir ita nia hakarak labele, Estadu ne’e halo diplomasia la signifika katak, tenki obriga nian , ita halo ita nia esforsu ne’ebé  ita nia mos tenki rezerva ita nia an oituan, se lae ema tesi ita nia ain klor, loron ruma mak ita koalia demais mak ema dehan katak, o manda hau nia rai o nia ema mak halo sala iha hau nia rai depois o mak hakarak mai manda tan hau nia lei, ita atu koalia saida” esplika Ministru Justisa.

Kazál nain rua ne’e polisia indonézia kaptura, iha loron 29 fulan Maiu tinan ne’e ,ho droga ne’ebé deteta iha, x-ray liu husi servisu alfândega NTT, iha fronteira Mota-ain.

JSMP: Husi diplomasia bele lori fila detidu kazál Timor-oan

Adjunta Diretor Judicial System Monitoring Programe (JSMP), Ana Paula Marcha  l hateten, liu husi meius diplomasia bele lori fila kazal na’in rua (2) ne’ebé dau-daun ne’e detein no kumpri hela prosesu justisa iha Republik Indonézia (RI), mai prosesa tuir lei Timor-Leste (TL).

“Maski Timor-Leste laiha lei pena de morte no pena perpétua, maibé liu husi meius diplomásia bele lori fila kazal na’in 2 ne’e, hodi tuir prosesu judisiáriu iha Timor-Leste, lei iha Indonézia kona-bá drogra ne’e la’os pena ne’ebé kma’an no sé Timor-Leste  laiha akordu extradisaun ho RI entaun buka dalan seluk liu husi ita nia kooperasaun, bele liu husi diplomasia, ita buka dalan di’ak liu atu lori mai iha Timor-Leste, hodi julga iha tribunal tuir ita nia lei, tanba autor husi droga sidadaun husi Filipina, oras ne’e dau-dauk iha iha Timor-Leste”, Adjunta Diretora JSMP ba GMN iha edifísiu GMN, Bebora-Díli, Kuarta (03-07-2019).

Lee hotu :   Tinan ne’e, UPF kaptura membru arte-marsiais liu 120

Nia esplika, tuir lei Timor-Leste laiha pena de morte, maibé kazu refere akontese iha Indonézia, konsidera pena de morte presiza iha, ho nune’e atu sira labele hetan pena morte, tenki liu husi dalan diplomasia.

Maski Timor-Leste laiha pena de morte, maibé ita tenki koko ho meius diplomasia hodi bele ajuda kazal na’in 2 ne’ebé mak oras ne’e dau-daun detein hela iha RI, liu husi Ministériu Negósiu Estranjeiru no Kooperasaun (MNEK), bele lori sira fila-fali mai julga tuir lei Timor-Leste ni’an”, tenik Ana Marcha  l.

Relasiona ho kestaun ne’e,  Ministru Justisa (MJ), Manuel Cárceres hateten, liu husi diplomasia ho embaixador Timor-Leste iha Jakarta-Indonézia sei haruka advogadu Timor-Oan na’in ida, hodi akompañia  prosesu ba kazal 2 ne’ebé detein hela iha Belu-Atambua-Indonézia.

Maski nune’e, Ministru Justisa ne’e seidauk esplika detallu kona-bá  advogadu sé no data fiksu dezlokasaun advogadu ni’an, enkuantu kazal 2 ne’e polísia Indonézia kaptura iha loron 29, fulan Maiu, tinan ne’e,  ho droga ne’ebé detekta iha x-ray, liu husi servisu alfándega Nusa Tenggara Timur (NTT), Indonézia, iha fronteira Mota-Ain. Tos/ety

Add to Comments Here!!!!

error: Content is protected.
Secured By miniOrange
You might also like:
MP alega pena multa ba konsultór ADN

Tribunal Distrital Díli (TDD), liu husi...

Semana oin, KM aprova akordu FM ho Austrália

Ministro Estado Presidência  Conselho  Ministros, Agio...

DIA 03/07/19 || GMNTV LIVE STREAM || JORNAL NASIONAL KALAN

Close