Konfrontu entre joven iha Bekora, Rezulta joven na’in rua kanek no kareta ida rahun

Polísia Nasionál Timor-Leste (PNTL), detein suspeitu nain 4, tanba deskonfia halo asaltu ba mate uma ida  iha  área  Herois Bekora, Postu Administrativu Cristo-Rei, Munisípiu Díli. Iha akontesimentu  refere,   rezulta joven na’in rua hetan kanek, sasan uma kios ida  estragus inklui vidru armari no kareta ida rahun.

Kazu ne’e akontese Kuarta (03/07/19),  mais ou menus tuku 07 liu minute 45  oras Timor-Leste, iha tempu kalan.

Hafoin akontesimentu ne’e, Polísia Eskuadra Cristo-Rei  to’o iha fatin akontesimentu,  komunika   Unidade Espesial Polísia,  Bataliaun Ordem Públik,          hodi  reforsa iha terenu  no  halo kedas detensaun ba  suspeitu nain hat iha Bairu Herois Bekora, hodi lori ba detein  kedas iha Eskuadra Cristo-Rey, hafoin sei transfere mai iha  sela detensaun  Polísia Munisípiu Díli, durante 72, hafoin submete ba primeiru interogatoriu.

Tuir informasaun Polísia, kazu  ne’e akontese, tanba  iha grupu  balun tenta  halo atake ba iha mate uma ida iha áre refere, hodi kria instabilidade. Tanba  ne’e  PNTL ténki halo atuasaun.

Entretantu dadauk  ne’e, PNTL kontinua  buka suspeitu  balun tan ne’ebé mak  deskonfia  involve  iha konfrontu refere.avi