KPK bele halo vijilánsia no atuasaun

Komandante Jerál Polísia Nasional Timor-Leste (PNTL) komisáriu Faustino da Costa hateten, membru Konsellu Polísiamentu Komunitaria (KPK), bele hala’o vijilánsia, no halo atuasaun, hodi redus  problema iha suku laran.

Faustino da Costa hato’o lia hirak ne’e  ba  jornalista sira, relasiona ho kazu membru KPK Suku Manleuana, ne’ebé mak deskonfia halo   agresaun fiziku  hasoru mane ida iha Manleu,  ho naran Lúcio dos Santos.

Ho akontesimentu ne’eKomandante Jerál Polísia Nasional Timor-Leste, komisáriu Faustino da Costa, promete sei fó formasaun ba membru Konsellu Polísiamentu Komunitária oinsá bele hala’o servisu ho profisional liu tan.

“Atividade preventiva KPK sira halo, ne’e  ita fó no  sensibilizasaun  ou sira halo atividade movimentu balun ba preventiva, ne’e iha ita-nia lei mós dehan,  Xefe Suku no Xefe Aldeia iha kompetensia,  saida mak ita-nia konsellu Polísiamentu Komunitaria halo, dala ruma  ita tenta interpereta  dezentendementu iha fatin akontesimentu, hotu-hotu nia intensaun ne’e la hanesan, entaun mosu konfrontu, ne’ebé ha’u hanoin ida ne’e iha dalan atu halo formasaun ba buat sira ne’e”,esplika Komandante Jerál Polísia Nasional Timor-Leste (PNTL) komisáriu Faustino da Costa, ba  jornalista sira Kuarta (10/07/19), iha Kuartel Jerál PNTL Díli.

Vítima Lúcio dos Santos, hetan kanek  suku pontu  haat iha ninia ulun fatuk no bobar haleu ligadura.   Kazu  ne’e akontese Domingu (07/07/19).avi