JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MP alega pena multa ba konsultór ADN

MP alega pena multa ba konsultór ADN

Tribunal Distrital Díli (TDD), liu husi julgamentu sumáriu no liu husi alegasaun Ministériu Públiku (MP) solisita ba TDD atu aplika pena multa ba konsultór tékniku Ajensia Dezenvolvimentu Nasional (ADN), arguidu Harunu Padmo Wipoyo ho montante USD1 kada loron, durante loron 100 no aplika mós kustu judisiáriu ho montante USD50.

Razaun MP husu pena ne’e, tanba konsidera arguidu priense elementu ba krimi pekulatu de uzu, bazeia ba deklarasaun arguidu katak, loos duni iha momentu ne’ebá fora husi loron no oras servisu, arguidu utiliza kareta Estadu hodi tula nia kolega ida ho nia ferik oan ba kompras, maski arguidu rasik iha autorizasaun husi instituisaun hodi utiliza kareta Estadu ba asuntu privadu no servisu, maibé iha mós regra ne’ebé determina katak, funsionáriu ida só bele utiliza kareta Estadu ba de’it servisu instituisaun ni’an, la’os ba buat seluk.

Maski nune’e, Advogadu Privadu husi arguidu husu ba TDD atu toma konsiderasaun ba arguidu nia prezensa iha Timor-Leste, tanba arguidu nia prezensa atu fó apoiu servisu ba governu liu husi instituisaun ADN no iha kontratu servisu hakerek katak, nia bele utiliza kareta ne’e ba asuntu privadu no servisu iha kualker tempu, maibé la esplika espesífiku kona-bá saída de’it mak nia parte bele halo no labele halo, tanba ne’e arguidu rasik mós la hatene hahalok ne’ebé nia halo loos ka la’e.

Hafoin alegasaun Juíz Prezidi marka fali audénsia ba loron 8, fulan ne’e, hodi rona desizaun.

Entretantu arguidu deskonfia komete krimi pekulatu de uzu, ne’ebé previstu iha artigu 296, husi kódigu penal Timor-Leste, relasiona ho utilizasaun kareta Estadu iha loron Sábadu no Domingu ne’ebé se’es husi oras servisu.

Lee hotu :   Somotxo: Ha´u bele lidera defeza seguransa

Audénsia ba julgamentu sumáriu ne’e, prezidi husi Juíz Singular, Ivan Suritay, MP reprezenta husi Prokurador, Rogerio Viegas no arguidu hetan asisténsia legal husi Advogadu Privadu, Fernando da Costa. ita

Add to Comments Here!!!!

error: Content is protected.
Secured By miniOrange
You might also like:
Semana oin, KM aprova akordu FM ho Austrália

Ministro Estado Presidência  Conselho  Ministros, Agio...

DIA 03/07/19 || GMNTV LIVE STREAM || JORNAL NASIONAL KALAN

DIA 03/07/19 || GMNTV LIVE STREAM || JORNAL AS 12

Close