Suspeitu kazu Leorema aumenta ba 12

Komandante Jerál Polísia Nasionál Timor-Leste (PNTL), Komisáriu Faustino da Costa, informa, suspeitu ne’ebé involve iha konfrontu iha Aldeia Bauro, Suku Leorema, Postu Administrativu Bazartete,  Munisípiu Liquiça aumenta ba 12.

Suspeitu sira  ne’e  submete   ba prosesu  investigasaun iha PNTL Liquiça no iha nasionál ne’ebé mak toma konta husi  Polísia Nasionál Servisu Investigasaun Kriminal iha Díli.

“Atu dehan de’it, ema  ne’ebé mak kaptura 12 pesoas, agora nain ida mak  ba   ona prizaun preventiva, saida mak PNTL halo mak ne’e, nafatin hamutuk ho autoridade lokal  ho Xefe departementu Polísia sira, ko’ordena oinsa atu halo  reintegra fali komunidade sai husi fatin, aumesmu tempu hare’e estudante sira sai husi sira nia hela fatin, sira nia ropa  hotu hetan sunu, agora ne’e mak ita hare’e hela ho autoridade. Alende  ne’e internalemente  PNTL koloka postu temporáriu iha fatin refere”,esplika Komandante Jerál PNTL Komisariu Faustino da Costa,  ba jornalista sira Kuarta (10/07/19), iha Kuartel Jerál PNTL Kaikoli Díli.

Konfrontu ne’e  akontese  iha semana kotuk,  rezulta  ema na’in rua mate, uma 13 hetan sunu   inklui motor 7, no uma tolu hetan estragus. Husi akontesimentu ne’e, suspeitu  ida  hatama ona  ba prijaun Bekora, Díli.

Tuir lei númeru 5/2017 armas brankas, bandu ema kaer sasan kroat hodi hakanek no habadak ema seluk ninia vida. avi