Suspeitu ta’a kanek membru F-FDTL eis arte marsiál

Komandante Jerál Polísia Nasional Timor-Leste (PNTL), Komisáriu Faustino da Costa, hateten, suspeitu nain 5 ne’ebé mak detein iha sela detensaun eis membru arte marsiál.

“Atu aktualiza   tan ba  ita boot sira katak,  ita halo ona kapturasaun ba  ema nain 5, ne’ebé  mak oras  ne’e iha prosesu laran, nota katak, sira eis artemarsiais”,esplika Komandante Jerál PNTL Komisariu Faustino da Costa, hafoin partisipa grande intervista iha studio 2 GMN Bebora Díli.

Faustino da Costa akresenta, ligadu ba kazu tentativa ómesidu ne’e, Polísia Milita, loke prosesu investigasaun. Alende ne’e PNTL kontinua prosesu  kazu ne’e liga  krimi nian.

Suspeitu nain 5 ne’e ho inisial hanesan NB, AC, LP, KB no  DS, deskonfia sira nu’udar autór prinsipal, ne’ebé mak kaer sasan kro’at hodi tá kanek membru F-FDTL ne’e.

Tuir  lei númeru 5/2017 armas brankas bandu ema kaer sasan kro’at, hodi hakanek no habadak ema seluk ninia vida.avi