Ahi han motuk motor ida iha Hudi-Laran

Ahi han motor Verza ida ne’ebé ho nia sapa matrikula J 6075 TL, iha Hudi-Laran, tanba serkuitu husi vella. Ahi han motor ne’e, akontese Kinta (15/08/19) mais ou menus tuku 10 dader oras Timor-Leste.
Motor Nain Domingos Viana haktuir, antes ne’e nia sei lori motor ba iha ofisina ida iha Hudi Laran, hodi halo manutensaun, wainhira remata tiha nia lori motor ba fase, hafoin nia kondus motor ne’e atu ba servisu ba Sekretaria Estadu Kombatantes iha Kaikoli, maibe to’o de’it iha Hudi Laran ahi han motor ne’e, tanba serkuitu husi vella.
“Ha’u husi Bobonaro horseik kedas, horkalan ha’u iha Hotel, depois iha dadersan ha’u lori motor ba halo manutensaun oituan iha benkel ne’e depois ha’u lori motor ne’e ba fase, maibe hotu tiha ha’u sae atu ba kantor mak ahi han”,esplika Motor Nain Domingos Viana, iha Hudi-Laran Díli.
Iha insendu ne’e membru Bombeiros to’o iha fatin akontesimentu ho kareta tula bé hodi hamate ahi ne’ebé mak han motor. No motorista la rezulta kanek ruma. Tuir observasaun GMN iha terenu nota katak, insendu ne’e akontese, kria mós engrafementu iha fatin refere iha kuaze 30 minutu, maibe Polísia to’o iha fatin akontesimentu hodi normaliza hikas kareta ho motor sira bele halai tuir ninia dalan.avi
Add to Comments Here!!!!