Deskonfia ba hasa’e sintu iha Indonézia, PNTL RAEOA detein joven nain tolu

Liu husi operasaun konjunta iha Rejiaun Administrativa Espesial Oe-Cusse Ambeno (RAEOA) Polisia Nasional Timor-Leste (PNTL) ho Falintil Forsa Defeza Timor-leste (F-FDTL), detein  joven nain tolu husi Munisípiu Baucau, ne’ebé deskonfia atu ba sa’e sintu iha Indonézia.

Segundu Komandante PNTL RAEOA, Superintendente Asistente, Paulino Carmo hatete, liu husi operasaun konjunta ne’ebé kompostu husi PNTL no F-FDTL RAEOA, mak detekta joven nain tolu iha ró Nakroma bainhira halo pasa revista konsege hetan faktu balun ne’ebé fortifika no indika katak, joven sira ne’e membru arte marsiais.

“ Faktu ne’ebé ami hetan mak, joven nain tolu nia telephone nia memory iha vídio konaba atividade arte-marsiais”, dehan Segundu Komandante PNTL RAEOA,Superintendente Asistente Paulino Carmo, ba Jornalista sira sesta (23/08/2019) iha RAEOA.

Segundu Komandante PNTL RAEOA haktuir, joven nain tolu ho ínisial RC JS no JL,  mai husi Munisipiu Dilí ne’ebé atu ba sae sintu iha Indonezia, no sira mak deklara rasik  ba operasaun konjunta katak, sira mai ho ró Nakroma atu ba  sa’e sintu iha Indonezia.

“ Joven ho inisial  RC mak sai hanesan fasilitador  ba JS ho JL, ne’ebé  laiha passaporte  atu halo tranzitu  iha Oe-Cusse  hodi hakat liu ba Indonezia, no oras ne’e joven nain tolu iha hela sela PNTL RAEOA hodi submete ba prosesu identifikasaun hodi tuir prosedimentu legal, afirma Superintendente Asistente Paulino Carmo.

Superintendente Asistente Paulino Carmo, sublinha  durante identifikasaun hetan prova forte no kompletu, mak sei konstitui ba arguidu hodi enkaminaa ba Ministériu Públiku.Fel