JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FOKUPERS husu PNTL atu halo investigasaun kle’an ba kazu soe bebe

FOKUPERS husu PNTL atu halo investigasaun kle’an ba kazu soe bebe

Organizasaun Naun Govermental (ONG) FOKUPERS husu ba governu liu-liu instituisaun relevante Polísia Nasional Timor-Leste (PNTL) no Ministériu Públiku (MP), atu halo investigasaun kle’an ba autor no ema ne’ebé kontribui ba asaun soe bebe, tanba la justu wainhira fó sala deit ba feto sein iha rezultadu investigasaun, tanba feto mak isin rua no partu, maibé la signifika feto mak sai autor ba kazu soe bebe.

“Tuir ami nia haree feto ne’ebé isin rua la planeadu dalabarak rezulta husi insestu, violasaun seksual, relasaun ne’ebé mosu ho presaun, laiha koñesimentu ba edukasaun seksual no saúde reprodutiva, tanba ne’e ami hakarak hato’o hanoin balun ba Estadu no setor judisiáriu atu solusiona problema abandona bebe, liu-liu ba PNTL no MP presiza halo investigasaun kle’an, hodi hetan autor no ema sé deit mak kontribui ba kazu soe bebe”, Diretora FOKUPERS, Maria José Guterres liu husi konferensia imprensa kona-bá problema abandona bebe, kestaun falta edukasaun seksual no dezigualdade jéneru, iha salaun FOKUPERS, Farol-Díli, Tersa (06-08-2019).

Nia husu mós ba Ministériu Edukasaun Joventude no Desportu (MEJD), atu entegra saúde reprodutiva iha kurikulum nasional, hahú husi treseiru sikúlu to’o ensinu superior.

“Husu ba komunidade no entidades hotu, inklui família atu respeita prosesu lei no kolabora hamutuk hodi halo prevensaun liu husi fahe informasaun kona-bá saúde reprodutiva, edukasaun sexual no oinsa atu prevene isin rua no moras hada’et husi relasaun sexual”, hatutan Maria.

Iha fatin hanesan, Maria Domingas Fernandes Alves “Micato” konsidera aktu soe bebe ne’e hanesan fenomena foun ida iha Timor Leste no iha fator oi-oin ne’ebé lori ema ida ba estraga oan, ne’e primeiru laiha apoiu husi família wainhira isin rua, segundu laiha rendimentu, nune’e fasil monu ba sala.

Lee hotu :   Fulan ne’e, fahe formuláriu rekrutamentu ba F-FDTL foun

“Razaun monu ba sala primeiru tanba falta komunikasaun no informasaun ne’ebe hahú husi família, komunidade, Estadu rasik no individu ida-idak dalabarak simu komunikasaun liu husi youtube deit, segundu situasaun ne’ebé dau-daun ne’e akontese iha Díli mak ema hotu loke uma kos ne’ebé laiha kontrola husi lider komunitáriu, tanba uluk ita iha tradisaun no kultura ne’ebé di’ak, tanba dalabarak ema hela ho família, maibé agora ema hotu livre, entaun hili ba hela iha kos, tanba ne’e husu ba Estadu liu-liu lider komunitáriu sira atu halo kontrolu ba kos sira iha Díli laran, hodi haree saida mak akontese iha kos, tanba ema hotu bele ko’alia, maibé laiha asaun mak, sei laiha rezultadu”, hatutan Maria. Ita

 

Add to Comments Here!!!!

error: Content is protected.
Secured By miniOrange
You might also like:
KAK sei halo investigasaun profunda ba Ró Haksolok

Komisáriu ba Komisaun Anti Korrupsaun (KAK),...

FRETILIN lamenta tetu fiskal OJE 2020 liu RSE

Bankada Frente Revolucionario do Timor-Leste Independente...

Dom Virgílio do Carmo: Kazu soe bebé estraga kultura Timor-Leste nian

Bispu Dioseze Díli, Dom Virgílio do...

Close