JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere hanaran GAM krime organizadu, F-FDTL ho PNTL prontu garante paz iha TL

Lere hanaran GAM krime organizadu, F-FDTL ho PNTL prontu garante paz iha TL

Xefe Estadu Maior Jenéral Falintil-Forsa Defeza Timor-Leste (F-FDTL) Major Jeneral Lere Anan Timur, hanaran Grupu Arte Marsiál (GAM) ne’ebé Governu bandu maibe hala’o nafatin atividade treinu sub-subar hanesan krime organizadu. Tanba ne’e, F-FDTL ho Polísia Nasional Timor-Leste (PNTL) sei la tolera aktu kriminal husi grupu ilegal hirak ne’e hodi garante nafatin estabilidade no paz ba sidadaun tomak.

“Ami atu halo operasaun koordenada entre intituisaun rua ne’e ho nia objetivu mak prevensaun no repreensaun ba krime organizadu, liu-liu arte marsiais ne’ebé mak ita bele dehan naran bo’ot iha Timor. Mas ita haree arte marsiais ita-nia Governu taka ona, maibe ita bolu nafatin arte marsiais, mas ha’u bolu hanesan krime organizadu. Segundu ami-nia diretiva konjunta ida ne’e atu mos asegura ita-nia dies nasionais loron istóriku sira ne’ebé iha ita-nia oin, 30 Agostu ita halo 20 anos de referendu, 20 de Setembru, 20 anos prezensa forsa intervensaun internasionál iha ita-nia rai laran. Primeiru ha’u hakarak husu ba Timor-oan hotu, PNTL nia misaun mak atu garante estabilidade nasionál no lei mos fó dalan atu F-FDTL, nu’udar forsa armada nasaun nian ne’ebé lei fó dalan atu koopera iha área seguransa interna nian”,deklara Lere Anan Timur liu husi konferensia ba imprensa iha Kaurtel Jerál PNTL, Kaikoli, Díli, Segunda (05/08/2019).

Xefe Estadu Maior Jenéral F-FDTL Major Jenéral Lere Anan Timur mos apela ba komandante unidade sira husi instituisaun rua ne’e labele tauk halo atuasaun bainhira defende interese nasaun nian.

“Ne´e mak ha’u dehan komandante sira lalika tauk kuandu defende interese nasaun ninian, interese povu ninian uza forma hotu-hotu atu bele rezolve situasaun ida ne´e mak importante. Porque forsa ho polísia sai ho kilat sempre iha regra empeñamentu bainhira mak tiru no bainhira mak latiru, bainhira mak tiru mate no bainhira mak labele tiru mate, imi atua ami responsabiliza, maibé primeiru imi responsabiliza ba ami  depois mak ami resposabiliza”.dehan Lere Anan Timur.

Lee hotu :   PR ‘Lú Olo’ preocupado com entradas e saídas ilegais através das fronteiras

Lere mós husu tribunal ho justisa atu koopera ho instituisaun F-FDTL ho PNTL, tanba la’os kaer lei para fasilita balun no kondena balun. “Porque ita haree ohin loron injustisa barak, ema ne´ebé komete krime boot dalaruma ita haluha tiha, ema ne´ebé komete krime kiik ita kondena, ida ne´e lalos. Bainhira PNTL halo atuasaun justisa labele husu evidensia bara-barak, tanba evidensia ida lei bandu ne´e iha, se ita husu tan husu tan querdizer que lakohi koopera ho PNTL ho F-FDTL. Ita kaer artes marsiais lori sira dehan seidauk to´o, tenke husik fila-fali, ha’u dehan ida ne´e labele no ha’u bele dehan katak se kontinua hanesan nafatin futuru mai  se tribunál justisa ho orgaun seguransa mak sei kria problema ba malu”, Tenik Lere Anan Timur.

PNTL ho F-FDTL la tolera kriminozu

Nune’e mos iha fatin  Kuartel Jerál Polísia Nasionál Timor-Leste (PNTL)  Kaikoli, Díli, Komandu PNTL ho FALINTIL-Forsa Defesa Timor-Leste (F-FDTL) sei la tolera kriminozu hodi hala’o operasaun buka tuir autór kriminozu, nune’e bele garante paz no estabilidade iha selebrasaun loron konsulta popular 30 agostu no INTERFET mai Timor-Leste (TL).

Deklarasaun ne’e Komandante Jerál PNTL Komisáriu Faustino da Costa hato’o relasiona ho konflitu ne’ebé ikus ikus ne’e kontinua akontese iha rai-laran ne’ebé rezulta ema mate no kanek. Tanba ne’e, komandu rua sei halo operasaun ho rigorozu hasoru kriminozu  sira ne’ebé hakarak kria instabilidade iha nasaun ne’e.

“Nu´udar loron dahuluk insituisaun defeza no seguransa hamutuk hodi fó informasaun liga ba situsaun aktual iha rai laran no mós preparasaun servisu konjuntu entre Polisia Nasionál Timor-Leste (PNTL) ho FALINTIL-Forsa Defesa Timor-Leste (F-FDTL) atu asegura atividade no eventu mak hanesan selebrasaun loron konsulta popular loron 30 fulan agostu no mós loron INTERFET tama iha Timor ne´ebé ita sei selebra iha tempu badak nia laran”,deklara Faustino da Costa liu husi konferensia ba imprensa.

Lee hotu :   UEP reativa operasaun iha kalan

Faustino da Costa afirma, “Nu´udar ita hotu hatene no akompaña iha ikus ikus ne´e mosu akontesimentu iha fatin-fatin tantu iha rai-laran liga mós ba grupu arte marsiais hanesan mós arte rituais akontese mós iha rai liur ne´ebé involve sidadaun Timor-oan. Maske rejime jurídiku ne´ebé relasaun prátika arte marsiais, arte rituais, armas brankas ho rama ambon  ne´ebé hakerek iha lei Númeru 5/2017 regula ezersisiu no hala´o arte marsiais iha fatin sira ne´ebé halo krime konduta ne´ebé viola regras tuir lei. PNTL iha responsabilidade atu garante hodi tau orden no seguransa hakmatek ba públiku no mós prevene atu mosu krime ka hahalok sira ne´ebé kontra lei. PNTL didika an tomak  atu hametin no kumpri orden ne´ebé fó ba sira prinsipalmente iha tempu ida ne´ebé ita prepara hela atu hala´o selebrasaun nasionál ba loron 30 fulan agustu”.

Ho ida ne´e, Faustino da Costa, hatete, forma ona operasaun koordenada ida entre F-FDTL ho PNTL atu hametin ambiente ida ne´ebé dame no hakmatek iha teritóriu tomak ho atensaun espesial ida ba grupus ilegais artes marsiais nian prinsipalmente hanesan artes marsiais no artes rituais ne´ebé lei refere bandu.

“Iha situasaun ida ne´e sita mós laiha toleransia ou zero toleransia. Ami hakarak hamutuk ida ne´e.Toleransia zero mós sei habelar membru PNTL rasik ne´ebé atua ho imparsial ho regurozu hodi defende deit orden públiku iha sidadaun sira nia oin sei atua hodi delikadeza  no mós defende lei no orden ba situasaun sidadaun sira nian sei fó mós atensaun espesial bainhira uza armas kilat ho maneiras ne´ebé obriga atu uza forsa laiha ligasaun ho atividade husi grupu ilegais sira”.haktuir Faustino da Costa.

Lee hotu :   Kazu MOPTC, Tribunal hakarak altera krime, MP ho DP mantein alegasaun antes

PNTL kontinua buka tuir suspeitu soe bebé

Iha okaziaun ne’e Komandante Jerál PNTL Komisáriu, Faustino da Costa, hateten, PNTL sei kontinua buka tuir suspeitu sira ne’ebé soe bebé maske suspeitu balun identifika ona  no balun kontinua deskoñesidu, maibé sedu ka tarde polísia sei kaer autór hodi submete ba prosesu investigasaun.

“Situasaun ne´ebé ikus ikus ne´e mosu indika mós katak iha fatin barak iha kazu krime seluk mak akontese ita nia inan no ita nia feton sira komesa soe bebé iha fatin fatin balun konsege salva no balun lakonsege salva”,afirma Faustino da Costa.

Komisáriu ne’e mós apela ba inan aman sira liu-liu  joven sira feto no mane atu hakribi hahalok soe bebé atu labele repete iha futuru, tamba hahalo refere la refleta kultura Timor nian.

“Kona-ba akontesimentu sira ne´ebé liu ona PNTL sei nafatin esforsu atu buka tuir autor sira, la´os deit inan ida ne´ebé soe bebé ne´e, maibé se mak hamutuk ho inan ida ne´e ho feton ida ne´e ikus mai laiha responsabilidade hodi husik no mós oho ema inosente ho anju oan sira ne´e tenke resposabiliza”,tenik Komisáriu PNTL Faustino.Aes

 

Add to Comments Here!!!!

error: Content is protected.
Secured By miniOrange
You might also like:
Dia 06/08/2019 || GMNTV LIVE STREAM || DADER KMANEK

Dia 05/08/2019 || GMNTV LIVE STREAM || DADER KMANEK

Dia 05/08/2019 || GMNTV LIVE STREAM || JORNAL NASIONAL KALAN

Close