Paixão promete sei monta postu F-FDTL iha fronteira

Ministru Defeza no Interior Interino (MDI), Filomeno Paixão, planeia monta postu FALINTIL–Forsa Defeza Timor-Leste (F-FDTL) hamutuk ho Unidade Patrullamentu Fronteira (UPF) iha fronteira, hodi kontrola liña fronteira terestre.

“Tuir ha’u nia hanoin loloos ne’e F-FDTL ho UPF tenki hamutuk iha fronteira, ne’e diak  liu, planu ba oin”, MDI  interinu ne’e ba jornalista sira iha Sentru Formasaun Polísia Comoro, Segunda (26-08-2019).

Entretantu tuir lei konstituisaun RDTL, artigu 146 katak, misaun F-FDTL mak atu garante seguransa ba soberania Timor-Leste, wainhira mosu ameasa externa.

Nune’e mós tuir lei, artigu 147, misaun Polísia Nasional Timor-Leste (PNTL), mak seguransa interna hodi garante seguransa ba komunidade iha nasaun  ne’e, bainhira akontese kazu no manifestasaun ruma no seluk tan. avi