JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Pedro Aparício rejeita ataka PNTL

Pedro Aparício rejeita ataka PNTL

Portavoz Organizaun Fuan Domin, Pedro Aparício rejeita,  halo atake ba instituisaun Polísia Nasional Timor-Leste (PNTL) liu husi konferensia imprensa iha Hotel Ramelau, foin lalais.

Pedro Aparício klarifika katak, konferensia imprensa ne’ebé mak sira hala’o, tanba lamenta ho deklarasaun Komandante PNTL, Munisípiu  Baucau Superintendente Xefe Hermenegildo Gonçalves da Cruz, ne’ebé mak  hasai liafuan ladun diak ba iha membru Persaudaraan Setia Hati Terate (PSHT), iha Baucau  foin lalais ne’e.

“Tanba relasaun ho konferensia ida ne’ebé mak hala’o iha loron 8 fulan Agostu  foin lalais ne’e  iha Hotel Ramelau ne’e mak ami iha ne’e, tanba Komando PNTL husu ami atu halo klarifikasaun  de’it. Agora klarifikasaun ne’e objetivu konfrensia perss ne’e mak ami la ataka instituisaun PNTL , ami ataka pesoal komandante Baukau, ne’ebé hasai esteitementu ne’ebé hamonu dignidade PNTL I mós bele kria inestabilidade  ne’e  iha komunidade nia leet, ne’e mak ami halo esteitmentu ne’e”, ”,esplika Portavoz Organizaun Fuan Domin Pedro Aparício,  ba jornalista sira Kinta (15/08/19), iha Kuartel PNTL Díli.

Tanba  ne’e Pedro Aparício, husu ba Komandante Hermenegildo Gonçalves da Cruz, atu husu deskulpa ba ninia deklarasaun ne’ebé mak nia deklara sai iha públiku ho tendensiozu hirus ema.

Pedro Aparício rekoñese artemarsiais tolu,  hanesan PSHT, Ikatan Kera Sakti no Kmanek Oan Rai Klaran governu taka ona. Agora organizasaun ida mosu, ema individu ida mós bele koalia  katak, hahalok sira ne’e ladiak.

“Ninia esteitementu ne’e mak dehan eis artemarsiais halo graduasaun iha Indonézia ne’e halo juramentu ba bendera merah putih hanesan milisia halo infiltrasaun iha  Timor, esteimentu ida ne’e mak soke  ema sira ne’ebé mak uluk involve a’an  iha artemarisias  ne’e.  Tanba  ida ne’e mak ema sira uluk membru hanesan sidadaun bain-bain  husu dereitu ida atu halo klarifikasaun, tanba  ne’e mak ami halo konfrensia perss, la’os dirizi ba PNTL”,dehan Pedro Aparício.

Lee hotu :   Lúcia Lobato sai tan arguida

Nia hatutan, PNTL ne’e  ema barak mak diak matenek mós barak, maibe ida rua koalia ladiak no halo sala ema tau todan hotu ba instituisaun PNTL.

“Ha’u mós loron-loron mai hela Kuartel PNTL, sira ha’u nia kolega, halo nusa mak ha’u ataka fali sira, maibe problema ataka makas Komandante Hermenegildo ne’e tanba saida pasadu ne’e nia iha problema barak liu, nia iha Komandante PNTL Munisípiu Maliana nia sai hanesan arguido iha prosesu ida iha ne’eba, mai iha Díli nia mós sai iha prosesu ida I di pecat husi PoliSia Siêntefika Investigasaun Kriminal   (PSIK) ida ne’e hatudu ninia halalok pasadu ladiak. Tanba saida mak foti tan nia hanesan Komandante ikus mai fó esteitmentu ladiak ne’e mak kria instabilidade  ne’e iha ne’e”,dehan Pedro Aparício. Tanba  ne’e,  portavos  fuan Domin ne’e, husu ba Komandante Jerál PNTL, bainhira hili komandante munísipiu sira ténki hare’e ema ninia hahalok pasadu.

Alende ne’e Komandante PNTL Munisípiu Díli Superintendente Xefe Armando Monteiro, promote sei rejista kazu ne’e iha Ministériu Públiku hodi  kontinua loke prosesu investigasaun klean hodi hatene motive lolos husi konfrensia perss ne’e.

“Ita asisti dereitamente    ita nia sidadaun nain rua, ne’ebé mak mai halo identifikasaun iha Polísia servisu investigasaun kriminal .Tan ne’e liu husi  investigasaun ida ne’e ita rekomenda ba nain hanesan Ministériu Públiku, hodi hein kazu ninia kontinuasaun  ne’e”,dehan Armando Monteiro.avi

Add to Comments Here!!!!

error: Content is protected.
Secured By miniOrange
You might also like:
PN deside ona estrutura komisaun permanente

Parlamentu Nasionál (PN), deside ona komisaun...

Ahi han motuk motor ida iha Hudi-Laran

Ahi  han motor Verza  ida  ne’ebé...

Xina apoia material lojístika ba F-FDTL

Governu Xina apoia gratuita material lojístika...

Close