TR simu rekerimentu lei rua husi PR liga ho ratifikasaun tratadu FM

Tribunal Rekursu (TR) iha Kinta (15/08), simu rekerimentu lei rua husi Prezidente Repúblika (PR), Francisco Guterres Lú Olo, relasiona ho ratifikasaun tratadu Fronteira Marítima (FM).

Prezidente Tribunal Rekursu (PTR), Deolindo dos Santos, hatete, PR husu TR atu haree diploma rua ne’ebé antes ne’e Parlamentu Nasional (PN), submete ona ba PR hodi halo promulgasaun.

“Diploma ida kona ba lei  fundu petrolíferu no ida seluk mak lei  legal petrolíferu ne’ebé TR sei haree depois mak sei  pronunsia  buat ruma kona ba pedidu husi PR nian”, informa PTR, Deolindo dos Santos ba GMN iha ninia kna’ar fatin, TR Kaikoli-Díli, Kinta (15/8/19).

Deolindo haktuir, wainhira TR responde ona pedidu PR kona ba diploma rua ne’e mak TR sei haruka fali ba Prezidente Repúblika atu foti desizaun ruma.

“Kona ba diploma rua ne’e TR sei haree depois mak haruka fali ba PR atu posizaun kona ba diploma sira ne’e atu promulga”, esplika Deolindo.

Nia esplika, pedidu ne’e la’os ho karakter normal tanba konstituisaun rasik mak fiksa prazu  25 nia laran mas PR redus prazu ne’e ba loron 20 nia laran signifika pedidu ne’e ho urjensia.

Entertantu, TR sei pronunsia pedidu PR nian ne’e iha loron 20 ou 21 fulan ne’e. Ita