JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Disputa rai iha Tibar entre kompañia, PTR: Senti prejudikadu Estadu bele hatama prosesu ba Tribunal

Disputa rai iha Tibar entre kompañia, PTR: Senti prejudikadu Estadu bele hatama prosesu ba Tribunal

Prezidenti Tribunal Rekursu (PTR), Deolindo dos Santos, hateten, Estadu bele hatama prosesu bainhira senti prejudikadu ho desizaun tribunal hapara provizóriu produsaun fatuk britas no rai henek husi kompañia China Harbour ba konstrusaun portu Tibar-Liquiça, tanba rai refere iha hela disputa entre kompañia rua refere, enkuantu laiha prosesu ruma, tribunal sei la foti desizaun.

“Primeiru ha’u rasik seidauk hatene direta kona-bá prosesu ne’e rasik, maibé há’u asisti iha notisia katak mosu problema ida iha konstrusaun portu Tibar, tanba iha prosesu ida que tama iha tribunal no tuir informasaun ne’ebé há’u hetan katak juíz desidi no hatun ona despaixu, maibé prosesu ne’e rasik hanesan restrituisaun provizoriu de pose, ne’ebé hatama husi individu privadu na’in rua ne’ebé mai husi kompañia rua kona-bá disputa rai no ema hotu ko’alia katak Estadu mós tama iha prosesu ne’e, mas na verdade prosesu ne’e ba individu nain rua no embargo de obra nova la ezisti, maibé na verdade karik Estadu sinti prejudikadu ho desizaun tribunal ne’e mak Estadu rasik bele hatama prosesu kontra desizaun ne’e no Estadu mós bele tama iha prosesu ne’e, hanesan terseiru pessoa, bazeia ba regra prosesual depois mak tribunal sei haree hodi foti desizaun, maibé enkuantu laiha prosesu mak tribunal sei la foti desizaun sein ezisti prosesu ruma husi Estadu”, dehan Prezidenti TR ba jornalista sira iha ninia kna’ar fatin, Caicoli-Díli, Kuarta (11-09-2019).

Nia esplika, wainhira prosesu ida tama ona iha prosesu sivil, signifika ne’e kestaun privadu no wainhira Estadu tama hanesan treseira pesoa mós parte husi kazu sivil no ba kazu ne’e wainhira iha ona negosisasaun entre parte rua mak prosesu bele lao normal fali.

Lee hotu :   Konfrontu iha Laga, rezulta ema nain haat kanek todan ■PNTL detein ona autór prinisipál

“Ha’u seidauk bele pronunsia kona-bá kompañia privadu bele hapara projetu Estadu ka la’e, tanba bele impede desizaun balun, tanba iha posibilidade bele iha rekursu mai TR ba desizaun tribunal ni’an ou karik iha fali prosesu balun ne’ebé hatama husi parte Estadu, wainhira sinti prejudikadu ho desizaun ne’e no tuir regra prosesual ke estabelese kriteria balun oinsa bele halo embargo de obra nova ne’ebe iha sesaun balun ke kódigu sivil estabelese, tanba ne’e hau labele pronunsia buat balun liga ho desizaun balun”, dehan Deolindo.

Alende ne’e Deolindo dos Santos, konsidera parte asesor no ema ne’ebé besik maun boot Xanana Gusmão la esplika kona-bá konteúdu prosesu no desizaun tribunal ba kazu ne’e, ho nune’e mosu interpretasaun oi-oin.

“Tenki komprende di-diak konteúdu husi prosesu ne’e no há’u fiar saída mak akontese horiseik (10/9) ne’e, tanba maun bo’ot rasik, ate maluk ne’ebé besik no asesor seidauk hateten no esplika di’ak liu ba maun boot kona-bá tramitasaun prosesu ne’e no karik esplika di-diak há’u fiar katak, la akontese hanesan horiseik ne’e, tanba iha kazu rua ne’ebé diferente liga ho desizaun tribunal ni’an, tanba primeiru desizaun tribunal ni’an ne’e ba individu na’in rua husi kompania China Harbour no kompañia Marino Enterprise, ne’ebé hatama prosesu ne’e no segundu desizaun ne’e afeta direta ba individu na’in rua ne’e”, subliña Prezidenti TR ne’e.

Husi sorin seluk, deputadu bankada FRETILIN, Antoninho Bianco hateten, líder nasional Kay Rala Xanana Gusmão tenki kumpri desizaun husi tribunal ne’ebé taka provizóriu ba disputa rai iha fatin produsaun fatuk britas no rai henek ba konstrusaun portu Tibar-Liquiça.

Lee hotu :   Ema soe tan bebé ida iha Comoro ■ SEJD sei kria manual formasaun ba juventude

“Expresaun ne’ebé líder nasional Kay Rala Xanana Gusmão halo, husu ba nia na’in rasik, nia mak hatene, sé desizaun tribunal hateten ona, desizaun mak ne’e ona. Timor-Leste nasaun demokrátiku no órgaun ida-idak ho nia kna’ar rasik hodi halo desizaun, tanba ne’e kualker sidadaun tenki kumpri desizaun husi orgaun ne’ebé ezisti iha nasaun ne’e nia laran, ita nasaun demokrátiku, opiniaun bele la hanesan, maibé órgaun ida-idak nia desizaun sai, tenki halo tuir, ida ne’e mak Estadu direitu demokrátiku”, afirma deputadu bankada FRETILIN ne’e.

Tuir deputadu bankada CNRT, Aderito Hugo da Costa, hateten, órgaun soberania 4 ne’e tenki iha intendimentu loos kona-bá asuntu nasional mak saída, sé ezekutivu halo ona obra boot hanesan portu Tibar involve investimentu no investor sira husi internasional.

“Ho konstrusaun hirak ne’e, husi parte justisa la koñese situasaun hirak ne’e, hodi  fasilita hanesan liña akontese iha ministériu át liu tan, ministériu kompetente la hatene oinsa atu fó andamentu prosesu konstrusaun portu Tibar, ita tristi, ita haree to’ok prosesu esplikasaun oinsa, atu halo ganti rugi mós tenki haree istória ne’e ba sé,  ida ne’ebé mak merese atu hetan ganti rugi, sé la merese, entidade relevante liu-liu Ministériu Justisa no Sekretáriu Estadu  Terras no  Propriedade tenki haree obra tibar ba saída,  tuir loloos sira ajuda prosesu ne’e”, afirma Aderito Hugo. ita/ety

 

Add to Comments Here!!!!

error: Content is protected.
Secured By miniOrange
You might also like:
FAMÍLIA AGRADESE ESTADU REKOÑESE KONTRIBUISAUN ‘RAMA METAN’ BA LIBERTASAUN PÁTRIA

Família agradese ba estadu Timor-Leste (TL)...

GOVERNU DESIDE AUMENTA ORSAMENTU AUDISIONÁL MILLAUN USD 3.7 BA MS

Liu husi reuniaun  aprezentasaun ba  komisaun...

KAPITAUN FRAGATA JOÃO DA SILVA LIDERA FALI KOMPONENTE NAVAL

Kapitaun  Fragata João da  Silva, hetan...

Close