JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Filomeno Paixão: Sei la tolera korupsaun iha Servisu imigrasaun

Filomeno Paixão:  Sei la tolera korupsaun iha Servisu imigrasaun

Ministru Defeza no Interior Interinu, Filomeno Paixão hateten, sei latolera wainhira detekta pesoal Servisu Imigrasaun komete korupsaun, tanba ne’e governu sei muda  pesoal sira ne’ebé servisu ladun iha efisensia no efikasia.

“Uluk ha’u hateten, ita komesa re-estrutura fali, ita muda fali halo tranferensia pesoal haree ida ne’ebé mak ladun iha efisensia, ne’ebé ladun la tuir ita nia hakarak, lei nia hakarak ita muda oituan-oituan. Portantu korupsaun buat ne’ebé mak ha’u simu bei-beik no informasaun barak mak simu”, afirma Filomeno Paixão, ba GMN hafoin hala’o enkontru ho adidu migrasaun sira iha Salaun Ministéiru Interior, Villa Verde, Díli, Kinta (05/09/2019).

Tanba ne’e nia husu ba pesoal Servisu imigrasaun sira atu servisu ho professional hodi labele hamonu imazen TL nian iha mundo internasional.

“Mensajen mak ba sira mak ne’e, sira tenke servisu para foti ita Estadu ida ne’e nia naran, porque sira iha ne’eba servisu seguransa hanesan mós F-FDTL embora sira nia misaun oin seluk, maibé sira kaer Estadu nia naran, kaer Timor-Leste nia naran I sira mak hatudu ita nia dignidade ba liru,”tenik Filomeno Paixão.

Iha fatin hanesan Diretór Jerál Migrasaun Superintendente Agustinho Gomes promete, durante nia mandatu sei hadia erru ne’ebé durante ne’e akontese iha servisu migrasaun nune’e bele fó tratamentu dignu ba sidadaun sira.

“Esforsu ne’ebé ma kami halo hodi garante servisu imigrasaun ministériu interior la’o diak mak hadia asuntu internal tuir orientasaun Ministru Defeza no Interior Interinu hadia asuntu internal liu-liu konaba disiplina, konaba responsabilidade, hala’o servisu tenke ho lolos ho didiak para fó atendimentu ne’ebé mak diak ba komunidade”, hateten Agustinho Gomes.

Lee hotu :   PN husu PNTL prosesa autora kesi labarik

Nia dehan, dadaun ne’e presepsaun públiku kona-ba atendimentu servisu imigrasaun iha públiku ne’ebé mak membru servisu imigrasaun sira halo, ho ida ne’e mak nia parte kontinua halo esforsu oinsa para bele hadia disiplina, tanba ho disiplina mak bele hala’o servisu ho profesional, nune’e bele fó atendimentu ba públiku ho profesionálizmu ba públiku.

“Personil servisu migrasaun ne’ebé mak hala’o servisu migrasaun iha terenu ne’e memb PNTL. Membru PNTL regula ho regulamentu disiplina polísia, ne’ebé se mak hala’o servisu la ho profesionálizmu nia hetan responsabiliza disiplinamente ba departamentu justisa halo prosesu tuir lei interna polísia nian”, dehan nia.Aes

Add to Comments Here!!!!

error: Content is protected.
Secured By miniOrange
You might also like:
Kazu kontentor 9 “TDD absolve arguidu Hamzah no José”

Tribunál Distritál Díli (TDD), liu husi...

KomJer PNTL dezloka ona ekipa halo investigasaun ba kazu agresaun fíziku iha Baucau

Komandante Jerál Polísia Nasionál Timor-Leste (PNTL),...

Governu prevé billiaun USD 1.6 ba OJE 2020

Primeiru Ministru   (PM), Taur Matan Ruak,...

Close