Governu tenki rigór kontrola pistola ba PCIC

Diretór Ezekutivu Fundasaun Mahein (FM), João Almeida,  husu  governu  ténki rigor kontrola pistola  ne’ebé mak  sei sosa ba  iha membru Polícia Ciêntífica Investigação Criminal (PCIC).

“Ita tauk  bele utiliza sala nia impaktu hanesan kazu Kuluhun no kazu akontese iha praia dos Coqueiros. Prosesu ba kazu sira ne’e seidauk remata. Tanba  ne’e mak Konsellu Ministru aprova ona akizasaun ba pistola ne’e, signifika prosesu akizasaun ba pistola  ne’e final ona, maibe ita nafatin tau matan, liu-liu  parte PCIC, no liu-liu governu ténki prepara mós kondisaun lei sira oinsa atu regula utiliza kilat hirak ne’e ”, esplika Diretór Ezekutivu Fundasaun Mahein (FM), João Almeida, ba  jornalista sira Tersa (17/09/19) iha Fomentu Díli.

Antes ne’e Ministru Justisa Manuel Cárceres, hateten ,  PCIC nia servisu hasoru ema kriminozu, ne’e duni presiza lori armas hodi defende seguransa ba sira nia-an . Tanba ne’e mak sei halo akizasaun ba armas ho tipu pistola  Kalibra.

Alénde Ne’e,  Diretór Nasionál Pcic, Vicente  Fernandes E Brito hateten, durante ne’e pcic  hasoru dezafiu,  wainhira ho liman tanan ba atua kriminozu sira.  tanba  ne’e mak  iha tinan 201,  tau ona iha planu hodi halo akizasaun ba armas besik atus ida  ba servisu.avi