Komandu PNTL fó suspensaun ba membru UPF ne’ebé baku KPK

Komandante Operasaun Polisia Nasionál Timor-Leste (PNTL) Superintendente Xefe Pedro Belo hateten, kazu membru Unidade Patrullamentu Fronteira (UPF)  ne’ebé halo agresaun fízika hasoru membru Konsellu Polisiamentu Komunitaria (KPK) foin lalais ne’e, komandu PNTL fó ona sansaun suspensaun ba membru hirak ne’e.

Pedro Belo hateten, suspensaun ba membru UPF ne’ebé komete kazu agresaun fizika refere durante loron 90. Ne’e sansaun disiplinar husu komandu PNTL, maibé prosesu judisiariu kontinua la’o, no prosesu refere seidauk to’o final.

“Relatóriu husi komandu Munisípiu Díli hasae ona mai komandante jerál nia fatin I prosesu la’o dadauk ona I mós oras ne’e dadauk komandante jerál hatun ona sansaun ida katak suspensaun prevetiva  ba ajente no primeiru sarjentu ne’ebé momentu ne’e ho nia akipa baku membru KPK “, afirma Komandante Operasaun Superintendente Xefe Pedro Belo informa asuntu ne’e iha Kuartel Jerál PNTL Kaikoli, Díli Sesta (13/09/2019).

Pedro Belo esplika, la signifika katak sansaun ne’ebé mak fó ne’e to’o iha ne’e, maibé departamentu justisa husi PNTL rasik mós kontinua halo prosesu  investigasaun disiplinar nian, nune’e parte vitima rasik mós hala’o keisa ba iha eskuadra Dom Aleixo no prosesu dadaun ne’e la’o hela.

Enkuantu kazu membru Unidade Patroillamentu Fronteira (UPF) halo halo agresaun fizika hasoru membru Konsellu Polisiamentu Komunitaria (KPK) iha Segunda-Feira (09/09/2019) foin lalais ne’e Bebonuk, Komoro. Maibé konaba motive husi kazu ne’e komandante ne’e la esplika detalla konaba kazu refere. Aes