Lere: TNI preokupa Fiji apoia Papua Oeste

Xefe Estadu Maiór Jenerál FALINTIL-Forsa Defeza Timor-Leste (F-FDTL), Majór Jenerál Lere Anan Timur, hateten, forsa armada Indonézia ka Tentara Nasional Indonézia (TNI), preokupa ho nasaun Fiji ne’ebé fó apoiu ba Papua Oeste ba ukun-an.
Lia hirak ne’e Majór Jenerál Lere Anan Timur, hato’o, bainhira simu vizita Almirante Xefe Estadu Maior Jeneral Forsa Armada Fiji, Contra Dimirante Viliame Naupute, wainhira vizita Kuartel Jeneral F-FDTL Fatuhada Díli Sábadu (21/09/19).
Durante enkontru, Lere informa hela, preokupasaun husi Jenerál Forsa Armada Indonézia, Hadi Tjahjanto ba Almirante Xefe Estadu Maiór Jenerál Forsa Armada Fiji, Contra Dimirante Viliame Naupute kona-ba pozisaun Fiji apoiu Papua hodi hetan ukun a’an.
Lere informa asuntu ne’e ba Almirante Xefe Estadu Maior Jenerál Forsa Armada Fiji, Contra Dimirante Viliame Naupute, tanba iha loron 29 Agostu 2019 liu-ba, bainhira hasoru malu ho Jenerál Forsa Armada Indonézia, Hadi Tjahjanto iha fronteira nasaun rua iha Motain Batugade Postu Balibo munisípiu Bobonaro.
“Tanaba ne’e ha’u hato’o mós mensajen Xefe Estadu Maior Jenerál Forsa Armada Indonézia Hadi Tjahjanto TNI hato’o mai ha’u, atu hato’o ba Fiji, tanba ha’u ho jenerál Indonézia ami rua hasoru malu iha loron 29 Agostu 2019 iha fronteira Batugade-Indonézia, nia preokupa situasaun Papua nian”, Dehan Lere ba jornalista, hafoin enkontru ho Xefe Estadu Maior Jenerál Forsa Armada Fiji, Contra Dimirante Viliame iha Kuartél Jerál F-FDTL, Fatuhada Dili,(21/09).
Nia afirma, Fiji fó apoiu ba Papua Oeste ukun-an, maibé Jenerál Fiji dehan, hanesan nasaun kiik sira ne’e hotu-hotu apoiu ba Papua, tanba ne’e husu ba Indonézia tenki rezolve problema Papua nian ho responsabilidade.avi