MEMBRU PNTL BAKU SIDADAUN IHA BAUKAU, FM KONSIDERA LA TUIR REGRA

Diretór Ezekutivu Fundasaun Mahein (FM), João Almeida, konsidera atuasaun membru PNTL   hasoru sidadaun ida  iha  Baukau villa  foin lalais ne’e  la tuir regras, tanba atua ho baku.

“Akontesimentu    iha   Baukau  ne’e  ita haree katak, atuasaun ida  fora  husi  normalidade regra no lei sira ne’ebé  mak iha”,esplika João Almeida ba GMN iha nia kna’ar fatin Fomentu, Díli, semana ne’e.

 Iha akontesimentu ne’e, nia dehan, invés prezensa  Polísia ne’e atua hodi solusiona  problema,  mas Polísia kria tan problema seluk. Tanba  iha ninia atuasaun ne’e uza aprosimasaun ida ne’ebé la nesesáriu  atu labele uza forsa. Tan  ne’e João Almeida, husu Departementu Justisa PNTL atu loke prosesu investigasaun  ba elementu  ne’ebé mak involve iha kazu ida ne’e,  tantu  disiplinar no kriminal  nian hodi bele hatene sé mak sai hanesan suspeitu no vítima lolos.

Alende ne’e tuir dekretu -Lei n.º 16/2009, loron 18 fulanMarsu Lei Organika Polísia Nasionál Timor-Leste (PNTL) iha Artigu 4° Uzu forsa nian,

Tuir lei, PNTL bele uza forsa bainhira iha perturbasaun ba orden no trankuilidade públika, no bainhira laiha meiu seluk ne’ebé sufisiente hodi hasoru registénsia kontra membru PNTL, bainhira hala’o sira nia funsaun.  Forsa bele uza deit hodi defende an ka hodi defende ema seluk, hodi hasoru hahalok ne’ebé agresivu no kontra lei ka kontra integridade fizika membru PNTL ka sidadaun seluk nian . Forsa ne’ebé uza ténki forsa minimu ne’ebé nesesariu hodi estabelese fila fali orden lejítima no tenke proporsionál ba ameasa ne’ebé hasoru. PNTL labele impoin restrisaun ka uza meius atu obriga ka ameasa bainhira la iha nesesidade. . PNTL bele uza armamentu tuir konseitu uzu nian no nesesidade operasional ida-idak nian, ne’ebé modelu no kalibre defini iha diploma ne’ebé Governu sei aprova. Nune’e tuir  konstituisaun RDTL  iha  Artigu 147,(Polisia ho forsa seguransa) Polísia ténki defende legalidade demokratika no garante seguransa interna ba sidadaun hotu no la inklina ba partido. Prevensaun krime ténki baseia ba respeitu direitus humanus. Lei maka determina regra no regulamentu  ba polisia no forsa seguransa no forsa sira seluk.avi