JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Membru PNTL viola direitu umanu, PDHJ tenki submete ba MP

Membru PNTL viola direitu umanu, PDHJ tenki submete ba MP

Reprezentante povu iha uma fukun Parlamentu Nasional (PN) husu ba Provedoria Direitos Humanos e Justiça (PDHJ) atu halo investigasaun no karik hetan indísiu forti tenki submete ba Ministériu Públiku (MP), nune’e bele enkamiña ba tribunal.

“Bainhira membru Polísia Nasional Timor-Leste (PNTL) komete kazu violasaun direitu umanu PDHJ tenki investiga, karik hetan indísiu forti bele lori ba MP, atu nune’e bele enkamiña ba tribunal, kuandu PDHJ falla mós problema ida, Estadu tenki moos husi korupsaun ou na’ok, han matak ema nia sasan, tanba ne’e PN konsentra atu aprova lei Comissão Anti Corrupção (CAC) no dau-daun ne’e komisaun A sei deskuti hela. Espera tinan ida ne’e bele konklui, nune’e bele ajuda ita nia governu ba kazu hanesan ne’e, kuandu to’o ona tribunal ida-idak defende nia-an rasik, nune’e polísia hanesan organizasaun labele responsabiliza fali ema ida ninia sala, tanba elementu ne’e hanesan sidadaun tenki responsabiliza ninia hahalok, maibé ita labele jeneraliza katak elementu polísia ida halo sala, polísia hotu iha Timor sala hotu”, deputadu bankada Frente Revolucionario do Timor-Leste Independente (FRETILIN), Joaquim dos Santos ba GMN iha PN, Kuarta (25-09-2019).

Husi sorin seluk, Vise Xefi bankada Congresso Nacional de Reconstrução de Timor (CNRT), Patrocinio Fernandes informa,  kazu ne’ebé PDHJ rejista  tuir ninia  peskiza servisu no observasaun.

“Ha’u hanesan ema polítiku, ami haree importante mak membru PNTL hala’o sira nia funsaun ho profesional atu asegura seguransa ba povu tomak, povu hakarak moris iha liberdade no iha sirkulsaun ne’ebé livre, tanba ne’e ami exiji PNTL tenki hala’o servisu ho di’ak, kumpri sira servisu ho professional, PNTL sira kontinua servisu ho profesional evita kontra direitu umanu, maibé ita mós labele adora direitu umanu ne’e husi públiku moris iha konfrontu nia laran, ha’u hanoin ida ne’e ladun di’ak” tenik Patrocinio.

Lee hotu :   AJAR: Polémika Ró Haksolok iha ona indikasaun ba korrupsaun

Tuir  dadus husi  PDHJ, hahú husi tinan 2006 to’o 2019, rejista membru PNTL hamutuk 203 mak komete violasaun direitu umanu. ety

Add to Comments Here!!!!

error: Content is protected.
Secured By miniOrange
You might also like:
Polémika membru governu inkompletu, CNRT: PR mak bele responde SekJer FRETILIN nia deklarasaun

Vise Xefi bankada Congresso Nacional de...

Arão Noe: Pedidu viajen Prezidente Repúblika kabe ba desizaun plenária

Prezidente Parlamentu Nasionál (PN), Arão Noe...

Dia 24/09/2019 || GMNTV LIVE STREAM || JORNAL NASIONAL KALAN

Close