JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN husu PNTL investiga estudante ne’ebé halo agresaun hasoru Nina

PN husu PNTL investiga estudante ne’ebé halo agresaun hasoru Nina

Deputadu bankada Partidu Demokratiku ( PD ), Mariano Asanami Sabino, husu Polísia Nasionál Timor-Leste (PNTL ) atu halo investigasaun klean ba estudante sira  husi Universidade Oriental ( UNITAL), ne’ebé iha semana kotuk halo agresaun fíziku hasoru membru RENETIL Nina Ximenes ne’ebé sofre hela moras mental.

“Iha tempu ida liu ba ne’e, kompañeira Nina ne’ebé hetan mak moras mental tiha, depois iha estudante sira balun baku tan nia ne’e tanba saida?, tanba ita hotu hein  de’it tau naran, veteranus no veterana nian maibé, veteranus ne’ebé mak balun karik la tau naran, balun karik iha fóho, kuandu akontesimentu sira ne’e mak ita fóin hatene, tanba ne’e, husu ba PNTL para halo investiga klean, no husu mós ba Sekretariu Estadu Asuntu Veteranus no Komisaun Homenajen para atu tau matan, no haree nia hela fatin iha ne’ebé”, hatete  deputadu PD, Mariano Asanami Sabino iha deklarasaun polítika, iha plenária Segunda (23/09/2019).

Reprezentante povu ne’e mós husu ba governu, atu tau atensaun ba nia sidadaun ne’ebé sofre moras, liu-liu hanesan moras mental, tanba sidadaun iha mak governu iha.

“Husu mós ba Estadu tomak, la’os de’it ema moras hanesan ne’e, tanba de’it veteranus maibé, ema hotu  ne’ebé sofre moras hanesan ne’e, ita presiza tau matan, tanba sira nafatin humanu, no nafatin parte husi nasaun ne’e, tanba de’it servisu laiha, no tanba de’it buat barak laiha, dala ruma tanba stress, depois de luta, ohin nia asiste situasaun oin seluk, nia stress sai bulak tiha, tanba ne’e mak Estadu tenki tau matan ba ida ne’e, liu-liu komisaun omenajen atu tau atensaun mós ba sira ne’ebé la tau naran maibé iha ita-nia matan hela katak, ema ne’e mak lidera no funu hela maibé, ne’e hanesan dala ida para justifika, atu hatene loloos katak, tanba ita-nia luta klandestina, atu hatene nia luta duni ka la’e, nia tenki mai tau naran, ho testemuña maibé, ida ne’ebé lidera iha oin, ne’e mós Estadu husik hela, dehan tenki tau naran ne’e, la tau naran labele ba tau jardim herois Metinaru. Ne’eduni Parlamentu no ita tomak presiza haree ida ne’e, para depois ba futuru ne’e oinsa,  sira ne’ebé mak líder ka komandante sira, karik balun la tau naran, nafatin merese hetan respeitu husi Estadu. Tanba hanesan maun bo’ot Kay Rala Xanana Gusmão mós la tau naran, depois ho komandante balun ne’ebé la tau naran, tenki fó respeitu duni, ne’e merese hetan respeitu, tanba ne’e iha oin hela, tau naran ne’e atu hatene de’it loos ka la’e, Ida ne’ebé ita hatene iha oin hela,  ne’e merese hetan respeitu duni, la’os dehan la tau naran, lakohi ba iha jardim herois”, kestiona Asanami.

Lee hotu :    Fila husi Batugade, Familia entrega ba PNTL hodi kumpri Kuarentena

Akontesimentu estudante UNITAL halo agresaun fíziku hasoru Nina Ximenes ne’ebé, nu’udar mós membru RENETIL ne’e, akontese iha semana kotuk, ne’ebé virál iha média sosial.

Relasiona ho asuntu ne’e, GMN seidauk halo konfirmasaun ho parte universidade oriental nian.say

Add to Comments Here!!!!

error: Content is protected.
Secured By miniOrange
You might also like:
Ramos Horta: PN labele obstakuliza asaun diplomátika PR nian ba rai-liur

Eis Prezidente Repúblika (PR), José Ramos...

Governu apoia millaun USD 10 ba Konferénsia Episkopál TL

Governu asina akordu subvensaun, hodi apoiu...

Animal mate nab-naban iha Díli, Estadu tenki kontrola servisu karantina

Reprezentante povu iha uma fukun Parlamentu...

Close