SOSIEDADE SIVÍL HUSU EKIPA KONJUNTA HALA’O OPERASAUN BA VEÍKULUS ESTADU

Sosiedade Sivíl  husu ekipa operasaun konjunta Tránzitu, Komisaun Anti Korrupsaun (KAK) no Diresaun Nasionál Transporte Terrestre no Dirésaun Nasionál Seguransa Rodoviáriu  atu kontinua halo operasaun ba veículos Estadu hodi prevene korrupsaun.

Diretór Ezekutivu Fundasaun Mahein, João Almeida koalia lia hirak ne’e, tanba  durante ne’e ekipa konjunta Tránzitu, Komisaun Anti Korrupsaun no Dirésaun Nasionál Transporte Terrestre no Dirésaun Nasionál Seguransa Rodoviário, la halo ona operasaun ba  veículos Estadu sira iha loron feriadu hanesan Sábadu no Domingu.

“KAK nia papel no Polísia nia papel no Patrimoniu nia papel  importante iha ámbitu  prevensaun korrupsaun nian ne’e, tanba  uza patrimonia Estadu  fora husi oras servisu nian ne’e  hanesan mós korrupsaun.Tan ne’e operasaun sira hanesan ne’e ténki kontinidade atu bele prevene”,esplika João Almeida ba GMN  iha nia kna’ar fatin Fomentu Díli semana ne’e.

To’o notísia ne’e publika seidauk hetan konfirmasaun husi parte Patromonia Estadu  hodi esplika bainhira los mak atividade operasaun ne’e bele kontinua fila-fali.

Antes ne’e PNTL detein funsionáriu nain hitu iha sela detensaun munisípiu Díli  tanba lori kareta Estadu ba interese privadu.avi