EUA:Estratejia defeza TL sai ezemplu ba rejiaun Indo-Pasífiku

Estadu Unidu Amérika (EUA) konsidera estratéjia defeza Timor-Leste (TL) sai ezemplu brillante ba rejiaun Indo-Pasífiku. Apresiasaun ne’e hato’o husi Embaixadóra EUA iha Timor-Leste, Kathleen Fitzpatirick ne’ebé sai oradór iha Semináriu Interansionál ho tema estratéjia Indo-Pasífiku livre no aberta, ne’ebé organiza husi Institutu Defeza Nasionál Timor-Leste (IDN-TL), iha Sala Auditóriu Ministériu Finansas Ai-Tarak Laran, Díli, Kinta (24/10/2019).

Kathleen Fitzpatirick hateten, estratéjia defeza Timor-Leste sai ezemplu brillante ba rejiaun Indo Pasífiku, tanba rezolve disputa delimitasaun fronteira marítima ho Australia la’o ho dame no bazeia ba régra Internasionál.

“Vizaun Indo-pasifiku ida ne’ebé livre no abertu, mak vizaun ida ne’ebé hanesan ho nasaun independente sira seluk ne’e liu husi servisu hamutuk hodi promove liberdade paz no seguransa ba ema hotu-hotu, paz no prosperidade ba ema hot-hotu. Ita halo esforsu atu iha rejiaun Indo-Pasifiku ida ne’e, nasaun hotu forte no Independente rezolve konflitu ho Dame no bazeia ba regra Internasionál sira.

Importante tebes iha Indo-Pasífiku parseiru sira, importante harii hamutuk parseiru sira iha nasaun iha Indo-Pasífiku, Sudeste Áziatiku no Asean mak baze sentral ba vizaun estadus unidus nian iha Indo-Pasífiku no Timor-Leste geográfikamente situada iha klaran ka forma husi Indo-Pasífiku. Vizaun Indo-Pasífiku nian mak promove prosperidade ekonómika iha nasaun sira iha rejiaun ne’e  no ida ne’e importante mos ba Timor-Leste. Pontu ida ikus liu mak Timor-Leste mak ezemplu briliante iha rejiaun Indo Pasífiku, tanba uza ona mekanizmu hodi rezolve diputa ho dame bazeia ba regra Internasionál. Hau refere ida ne’e ba hotu delimitasaun fronteira marítima ho ho Australi,” hateten Embaixadóra EUA mai Timor-Leste, Kathleen Fitzpatirick.

Semináriu ne’e Vise Sekretáriu Adjuntu Interinu da Defeza ba Ásia e Sudeste Aziático Estadu Unidu Amérika, Chris Jhonstone mak sai hanesan oradór prinsipál.

Semináriu Internasionál ne’e hetan pastisipasaun husi estudante universitáriu sira, autoridade lokal balu iha kapital Díli no mos husi area rural, ofisiál Polísia Nasional Timor-Leste no forsas defeza Timor-Leste.Ito