Falur : Rekrutamentu F-FDTL foun ba Timor-oan hotu

Vise Xefe Estadu Maior Jeneral F-FDTL, Brigadeiru Jeneral Domingos Raul Falur Rate Laek hatete, rekrutamentu ba Membru foun FALINTIL Forsa Defeza Timor Leste (F-FDTL) tinan 2020,  sei la tau prioridade ba veteranu nia oan sira, maibé ba sidadaun Timor-oan hotu.

“Ha’u hakarak kritéiru ne’e husi Estadu no orgaun ida mak halo, ba ema sidadaun no ba ema nasionalismu no patriotismu katak, ba Timor-oan hotu livre para kompete, sira ne’ebé diak bele hakat ba oin, no sira ne’ebé la priense kriteria para iha klaran”, afirma Falur Rate Laek ba Jornalista sira Kuarta (23/10/2019) iha Palásiu Prezidensial Nicolau Lobato Bairo Pite Díli.

Nia hatutan, laiha prioridade ba veteranu nia oan sira, tanba lei hatete loron 30 mai  oin, so bele halo rekrutamentu ba sidadaun Timor de’it, tanba Timor ne’e sidadaun ida deit mak sidadaun Timor.

“Laiha no la simu  sidadaun otonomia, integrasaun ka, mahú ou buihu,  tempu agora ne’e laiha ona, tanba tinan 2020 mai ne’e simu sidadaun Timor no labele fiar lia seluk  nia ko’alia,  tanba   verdade sistema mak regula”, subliña Falur.oly