Filomeno Paixão: Sei kombate grupu organizadu kria instablidade

Ministru Defeza no Interior Interinu, Filomeno Paixão, hateten, sei hadia jestaun servisu Polísia Nasional Timor-Leste (PNTL) atu kombate grupu organizadu ne’ebé kontribui beibeik instablidade iha rai-laran. 

Filomeno Paixão deklara asuntu ne’e hafoin reuniaun ho Prezidente Repúblika (PR), Francisco Guterres Lú Olo iha Palásiu Prezidensial, Nicolau Lobato, Díli, Sesta (18/10/2019).

Governante ne’e konsidera konfrontasaun entre joven sira iha fatin-fatin iha kapital Díli, ne’e mai  husi krime organizadu, tanba ne’e presiza hadia kestaun hirakia servisu komandu polísia nian iha baze.

“Ne’e hau dehan bebeik ona iha publiku, ne’e krime organizadu, hau lahatete ne’e arte marsiais, sira bele uza arte marsiais nee hanesan kapa ida ka kurtina ida. Ami hatene ona krime organizadu ne’ebé mak organiza kria instabilidade permanente iha Timor-Leste, agora ami halo esforsu husi parte intelejen no kooperasaun para oinsa ita bele fo solusaun ba ida ne’e. Segundu pontu koalia konaba organizasaun polisia nian, ita iha komandu da Polisia tun ba kraik kestaun tenke hadia liu-liu kestaun komandu, hirarkia kontrola Komandu, sei iha parte militar nian ida ne’e mak ita hadia iha ne’ebá kontrola iha Díli bairru sira tenke fahe ba eskuadrilas ou eskuadra para komandu ida responsavel iha area determina ida para akaba ho situasaun inseguransa ne;ebe ita sente agora,” hateten Ministru Defeza No Interinu Interior, Filomeno Paixão.

Entretantu ikus-ikus ne’e kazu sira konfrontasaun entre grupu joven akontese iha kapital Díli, liu-liu konfrontu entre  grupu joven iha fatin-fatin no grupu joven balu baku membru KPK iha Lahane no Comoro. Ito