JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Hafoin teste médiku ba arguidu korta aviaun, AMJTL: Labele julga ema ho kondisaun moras mental

Hafoin teste médiku ba arguidu korta aviaun, AMJTL: Labele julga ema ho kondisaun moras mental

Arguidu ho inisial CDJ ne’ebé tenta soke aviaun Sriwijaya foin la-lais ne’e, iha Aeroportu Internasional Nicolao Lobato Comoro-Díli, hetan ona tratamentu saúde iha prizaun Becora, hafoin halo teste médiku katak, arguidu refere sofre moras mental ho tipu psicose aguda.

Ho nune’e, Diretor Nasional Estabelesementu Prizaun Bekora, João Domingos, hateten, sira nia parte halo asesamentu ba kondisaun arguidu liu husi halo tratamentu semana ida dala ida, maibé hemu ai-moruk rutina kada loron.

“Ba kondenadu ne’ebé foin la-lais ne’e tribunal aplika medida koasaun prizaun preventiva ne’e, ami halo kedas asismentu liu husi teste médiku ba ninia mentalidade no rezultadu hatudu katak, kondenadu CDJ sofre moras psicose aguda, maibé kondisaun kondenadu normal, tanba moras ne’e seidauk grave, ho nune’e, akomoda ou hela hamutuk ho prezu sira seluk iha bloku ida deit, ho kontrolu ne’ebé efetivu, liu-liu ba sira ne’ebé moras mental, sempre halo tratamentu rutina, semana ida dala ida, kada loron Sesta, maibé konsumu ai-moruk loro-loron”, Diretor Nasional Estabelesementu Prizaun Bekora ne’e ba GMN liu husi kontaktu telemóvel, Kuarta (23-10-2019).

Tuir Prezidente Asosiasaun Majistratura Jurídiku Timor-Leste (AMJTL), Antonino Gonçalves, hateten, tribunal labele julga ema ho kondisaun moras mental, tanba ne’e, antes atu halo julgamentu juíz tenki husu urjenti ba ospital atu bele halo ezame médiku, relasiona ho arguidu ne’ebé tenta atu soke aviaun Sriwijaya foin la-lais ne’e.

“Wainhira ema ida iha julgamentu laran mak ko’alia tun-sa’e, entaun juíz tenki hapara prosesu hodi husu urjenti ba ospital, hodi submete arguidu ba psikoterapia, tanba ita labele julga ema bulak, maski hatene deit kestaun prátika relasiona ho krimi”, Prezidente AMJTL ne’e ba GMN iha ninia kna’ar fatin, Caicoli-Díli, Kuarta (23-10-2019).

Lee hotu :   DESKONFIA TAMA GRUPU COLIMAU 2000 HODI OHO MEMBRU PSHT

Nia akresenta katak, kuandu iha julgamentu laran mak arguidu koa’lia tun-sa’e, entaun tenki suspende prosesu, hodi hein arguidu di’ak, tanba tribunal labele kondena ema ho moras mental.

Antes ne’e, liu husi Diresaun estabelesimentu prizaun Becora liu husi doutor psikiater detekta katak, arguidu ho inisial CDJ sofre moras mental, ho tipu psicose aguda.

Tuir dadus husi Diresaun Estabelesementu Prizaun Becora (DEPB), dau-daun ne’e, total prezu ne’ebé sofre moras mental hamutuk ema na’in 21 no iha na’in 2 ka 3 mak kondisaun atu rekupera ona.

Entretantu, antes ne’e, arguidu liu husi primeiru interogatóriu, TDD aplika medida koasaun prizaun preventiva, tanba tenta soke aviaun Sriwijaya, iha Aeroportu Internasional Nicolau Lobato, foin la-lais ne’e.ita

 

Add to Comments Here!!!!

error: Content is protected.
Secured By miniOrange
You might also like:
Falur : Rekrutamentu F-FDTL foun ba Timor-oan hotu

Vise Xefe Estadu Maior Jeneral F-FDTL,...

PR Lú Olo preokupadu ho OJE 2020 bo’ot liu

Prezidente Repúblika (PR), Francisco Guterres Lú...

Asegura selebrasaun loron finadu, PM Taur husu joven sira tenki kontribui ba estabilidade

Primeiru Ministru (PM), Taur Matan Ruak,...

Close