Komandu PNTL apela ba Timor-oan hotu kontribui ba estabilidade rai-laran

Komandante Jerál Polísia Nasionál Timor-Leste (PNTL), Komisáriu Faustino da Costa, preokupa  ho ema barak liu-liu grupu joven barak lakon ona ninia identidade núdar Timor-oan hodi kontribui ba instabilidade iha rai-laran. Tanba ne’e Komandante Jerál PNTL, Komisáriu Faustino da Costa, apela ba sidadaun hotu liu-liu ba juventude sira hotu atu kontribui ba estabilidade nasaun nune’e ema hotu bele moris hakmatek.

“Kazus akontesementu balun hanesan iha Lakluta ninian, que dala ruma ita bo’ot sira rona karik, ida ne’e mak hau aktualiza ba sua selensia Prezidente Repúblika. Asidente kazu Lahane ninian ne’ebe joven sira rasik, baku fali membru KPK hanesan mos ida iha Komoro ninian. KPK la funsiona ho di’ak ne’e parte ida, buat ida seguransa ne’e la’os responsabilidade polisia nian mesak, polisia ne’e autoridade ida atu asegura buat hotu la’o tuir nia dalan, katak seguru, hakmatek iha fatin ida ka bairo ida, hahu kedas iha uma laran. Ita Timor oan barak que agora lakon ita nia identidade hanesan ema Timor, e ida ne’e mak problema”, Komandante Jerál PNTL, Komisáriu Faustino d Costa, informa asuntu ne’e ba jornalista sira hafoin enkontru regular ho prezidente repúblika, Francisco Guterres Lú Olo, iha Palasiu Prezidensiál Nicolau Lobato Bairo Pite, Díli, Kinta (17 /10/2019).

Durante enkontru semanal ne’e, Komandante Jeral PNTL, Komisariu Faustino da Costa, informa ba Xefe Estadu Timor-Leste kona-ba situasaun iha rai laran, liu-liu iha kapital Díli ne’ebe ikus-ikus ne’e akontese konfrontu entre grupu iha fatin-fatin, inklui jovens sira baku membru KPK iha Lahane no Komoro foin lalais ne’e. Ito