JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Konfrontu tan iha Mascarinhas, Rezulta estudante Nobel da Paz ida kanek todan

Konfrontu tan iha Mascarinhas, Rezulta estudante Nobel da Paz ida kanek todan

Iha Kinta (17/10/2019) ne’e mais ou menus oras tuku 10:00 Otl, mosu konfrontasaun tan entre joven iha Suku Mascarinhas, Postu Administrativu Vera Cruz, Munisípiu Díli, ne’ebé rezulta estudante Nobel da Paz, Sergio Gaular, hetan kanek todan, tanba hetan baku husi grupu deskoñesidu.

Antes ne’e mosu tiha ona konfrontu entre estudante Universidade Díli (UNDIL) ho ema liur iha Suku Mascarinhas, Segunda (14/10/19), hodi rezulta janela rua eskola  UNDIL nian rahun inklui uma abitante ida nian mos rahun hotu.

Hafoin liu tiha minutu balun Polísia Nasionál Timor-Leste (PNTL) no hetan apoiu husi Polísia Militar (PM) to’o iha fatin akontesimentu hodi normaliza situasaun, no evakua kedas vítima ba iha Hospital Nasionál Guido Valadares (HNGV) hodi halo tratamentu médiku.

Tuir sasin Abril dos Santos katak, nia ho vítima han hotu iha kantina atu fila ba eskola, maibé iha estrada boot ema asaltu malu no sira rasik lahatene motive husi konfrontu refere.

“Ami rua ba han iha kanting, ami rua tun mai, iha leten ema serang malu mana-manas, ami rua hamrik iha Estrada boot sira serang tun mai, husu ami imi jagoan ga? Maibé ami hatan ami laos jagoan tanba ami estudante, ami para atu eskola. Hau hateke ba kolega ema tebe tun tiha ba baleta kuak”, deklara sasin, Abril dos Santos, ba GMN iha Eskola Nobel da Paz, Kinta (17/10/2019).

Nia dehan, hafoin vítima Sergio Gaular monu tun ba baleta kuak, nia haree vítima kanek grave, entaun nia para kareta lori vítima ba HNGV hodi halo tratamentu médiku, tanba ran tun maka’as los ona.

Iha fatin hanesan Diretór Eskola Nobel da Paz, Pedro Nunes, sente triste ho atitude joventude sira ne’e, tanba impede nia estudante labele partisipa exame lokal. Tanba ne’e eskola foti ona dezisaun bainhira vítima nia saúde rekopera ona eskola sei fó fila fali exama susulang ba vítima.

Lee hotu :   Lei númeru 5/2017 autoriza PNTL tiru, Filomeno Paixão: La’os tiru nar-naran

“Ne’e tristeza ida mai ha’u, labarik ensinu báziku idade 15 para baixo, agora joven sira ne’ebé 18 no 20 para cima labele baku fali labarik sira, ne’e tristeza ida mai ha’u, tanba lakon nia oportinudade atu partisipa exame,” preokupa Pedro Nunes.

Relasiona ho akontesimentu ne’e nia parte rekomenda ona ba autoridade seguransa atu kaptura lalais autór refere hodi submete ba prosesu investigasaun, maske nune’e tuir fontes konfirmadu husi PNTL katak, dadaun ne’e polísia kaptura ona autór ne’ebé halo agresaun fizika hasoru vítima. Aes

Add to Comments Here!!!!

error: Content is protected.
Secured By miniOrange
You might also like:
Falta fasilidade saúde, PN husu MS tau atensaun urjente ba HNGV

Prezidente Komisaun F, ne’ebé trata asuntu...

Komandu PNTL apela ba Timor-oan hotu kontribui ba estabilidade rai-laran

Komandante Jerál Polísia Nasionál Timor-Leste (PNTL),...

Impase polítiku impede dezenvolvimentu, Lere: Líder jerasaun 1975 tenke hamutuk defende interese povu

Xefe Estadu Maior Jenerál F-FDTL, Major...

Close