JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Pedro Belo: Atuasaun PNTL la’os ho forsa

Pedro Belo: Atuasaun PNTL la’os ho forsa

Reprezentante Komandante Jerál PNTL, Superintendente Xefe,  Pedro Belo, husu membru PNTL sira atu halo atuasaun ho kapasidade intelektual, la’os ho forsa.

“Komandante  jerál PNTL husu ba membru hotu-hotu rezolve problema  hotu ténki ho kakutak, agora  uza ho kapasida intelektual, la uza ona ba forsa atu rezolve  problema, kecuali sira  ne’ebé mak malandru mak hasoru fali forsa, mas hakarak ka lakohi simu. Agora problema sosial, problema konflitu  ne’ebé mak  iha rai laran atu rezolve ne’e, rezolve ho kapasidade kakutak ou kapasidade intelektual”, esplika  Pedro Belo, wainhira hato’o mensajen  Komandante Jerál ba membru PNTL  sira, liu husi seremonia abertura formasaun misaun Peace Keeping Force  ba dala lima, liu-liu  membru Unidade Espesial Polísia hamutuk 25.

Formasaun  peace keeping force  ne’e la’o durante fulan  rua,  hahú  loron   2  fulan Outubru  no remata  iha  loron 18 fulan Dezembru tinan 2019.

Pedro Belo haktuir,   tuir lolos  Komandante Jerál PNTL  mak abertura formasaun misaun pas ONU nian ne’e maibé,   iha servisu seluk ne’ebé importante tebes.

 “Entaun delega ha’u mai para  abertura kursu ba dala lima misaun pas ONU nian”,dehan  Pedro Belo.

Nia afirma,  kursu  ne’e importante tebes, tanba prepara membru sira  ba tuir misaun ONU nian iha rai liur.

“Tanba   ita hatene institituisaun atu reprezenta  Timor-Leste atu hala’o misaun ruma  iha ema nia rai,  mak presiza iha kapasidade oin-oin. Tan ne’e membru ténki iha kapasidade lian ingles no mós iha kapasidade tátika  nian,  nune’e mós nia ténki iha kapasidade lori kareta”,dehan Pedro Belo.

Alende  ne’e, Komandante UEP, Superintendente Xefe, Afonso dos Santos espera katak,   ho formasaun ne’e membru   ida-idak sei  prepara di’ak liu  bainhira ONU loke odamatan ba TL.

Lee hotu :   XANANA HIRUS TRIBUNAL TANBA TAKA DALAN BA FATIN DULAS FATUK IHA LIQUIÇA

 “Ha’u garante katak,  sira ne’e formadór  husi Guarda Nasionál Repúblikana Portugal, ne’ebé sira-nia formasaun ne’e la’os dala ida, dala rua, sira ne’ebé  iha tiha formasaun repetente iha Portugal, la’os de’it iha Portugal, Xina, Tailandia.  Agora  buat formasaun ba UEP, ba iha tátikal, liu-liu ami  adopta ba iha Guarda Nasinál Repúblika Portugal”,dehan Afonso dos Santos.

Formasaun   ne’e foka ba área  lingua ingles, ne’ebé mak  sei hanorin husi parseiru TLPDP, no  lian  portugues sei hanorin husi   profesora  ida  husi Portugal.

Membru UEP ne’ebé mak partisipa formasaun ne’e husi sub unidade tolu,  kompostu husi Bataliaun Ordem Públika, Grupu Operasaun Espesial no Korpu Seguransa Pesoal.avi

 

Add to Comments Here!!!!

error: Content is protected.
Secured By miniOrange
You might also like:
TLPDP sei apoia anjing pelacak ba UEP-PNTL

Foto:Google Parseiru Timor Leste Police Development Program...

ANPM sei halo negosiasaun ho kompañia sira kona-bá Greater Sunrise

Autoridade Nacional Petróleo e Minerais (ANPM)...

Selebra aniversáriu ba dala 21, Banku Mandiri oferese ran ba BSN

Jerente Jeral Banku Mandiri (BM), Jan...

Close