TLPDP sei apoia anjing pelacak ba UEP-PNTL

Foto:Google

Parseiru Timor Leste Police Development Program (TLPDP), planea apoia  anjing pelacak ka cão farejador ba Unidade Espesial Polísia Nasionál Timor-Leste Polísia Nasionál Timor-Leste (PNTL).

“Ha’u  hanoin  komando jerál prepara  tiha  ona, sira  husi TLPDP  mak atu fó asu (anjing pelacak), maibé primeiru star  ita ténki kria kondisoins. Ha’u ema ida que  iha ha’u nia planu sempre hanesan ne’e, rekursu kondisoins depois mak  it abele hola asu depois  ita presiza buat seluk-seluk, kuandu  la kria kondisaun rekursu  ne’ebé mak  iha ita ba gasta osan halo saida”,esplika komandante Unidade Espesial Polísia, Superintendente Xefe Afonso dos Santos, ba  jornalista sira Kuarta (02/10/19), iha Kuartel Unidade Espesial Polísia Bairu-Pite Díli.

Afonso dos Santos argumenta, anjing pelacak ka cão farejador, nia funsaun mak  atu uza hodi halo operasaun  no detekta droga no material  explosivu.

Enkuantu kona-ba asu hira ne’ebé mak  sei apoiu,  komandante  Afonso dos Santos responde hodi hateten,  kona-ba kestaun ne’e imi bele husu iha komandante jerál PNTL.

“Apoiu klaru fiksu ona, komando jerál fó ona informasaun katak, TLPDP atu fó asu ba iha UEP. Asu hira-hira  ita bo’ot sira ba husu iha komando jerál. Ha’u prepara ha’u nia ema iha UEP nain hitu, depois husi team ida, parte investigasaun nasionál, ita iha  anjing pelacak ka cão farejador nian  parte mós  asu patrulamentu nomós atu atu detekta bomba”,dehan Afonso dos Santos.avi