JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fahe formuláriu rekrutamentu F-FDTL, Coliati husu Xefe Suku sira tenke servisu imparsial

Fahe formuláriu rekrutamentu F-FDTL,   Coliati husu Xefe Suku sira tenke servisu imparsial

Prezidente Komisaun Rekrutamentu  FALINTIL Forsa Defeza Timor-Leste (F-FDTL) atual Xefe  Estadu  Maior F-FDTL Koronel Calisto dos Santos Coliati,  husu Xefe Suku sira atu servisu ho laran moos no imparsial, wainhira  hala’o distribuisaun formuláriu rekrutamentu  ba F-FDTL foun 600.

“Formuláriu ne’e depende  mós ba  iha Liurai sira  ne’ebé ukun reinu, sé  reinu  ne’ebé mak hili nia, liu husi eleisaun Suku atu servi povu,  nia ténki servisu ho laran moos, tanba Timor-Leste hamrik liu husi  funu, liu husi ema nia mate, ne’ebé  ita servi, servi loloos  sé nia la servi loloos ne’e problema ninian,  rai ida ne’e lulik”,esplika  Prezidente Komisaun Rekrutamentu  FALINTIL Forsa Defeza Timor-Leste (F-FDTL) atual Xefe  Estadu  Maior F-FDTL Koronel Calisto dos Santos Coliati, ba  jornalista sira Segunda (25/11/19), liu husi konfêrensia  imprensa ihasalaun enkontru  Kuartel Jeneral F-FDTL Fatuhada Díli, wainhira halo deslokasaun membru  forsa armada  inklui funsionariu ministériu  defeza hamutuk 50 lori formuláriu rekrutamentu  ba munisípiu  13 inklui Rejiaun Administrativa Oecussi Ambeno  hodi halo rekrutamentu membru F-FDTL  foun.

Formuláriu lori to’o munisípiu ida-idak sei  lori ba halo distribuisaun kada Suku iha teritóriu Timor laran tomak.

Coliati mós husu  forsa sira atu kaer  metin prinsípiu no valores militares liu husi servisu  profesinál no responsabilidade, oinsá koopera  ho autoridade lokal   no Polísia atu nune’e servisu  ne’ebé mak  ministériu defeza  no  komando F-FDTL  atribui ba komisaun bele la’o ho efetivu iha terenu hodi responde ba  intrese nasaun ne’e nian.

Coliati akresenta,   iha loron Domingu (24/11/19) nia simu telefonnema husi leste ba to’o oeste  husi norte ba too sul atu servisu ho onestu wainhira  distribui formuláriu iha Suku.

Lee hotu :   PCIC identifika ona autór ne’ebé lansa informasaun kona-bá máskara iha MedSos

“Ha’u apela ba liurai sira atu oneste  atu senseru  ténki hamrik iha klaran núdar aman, núdar ulun ba iha reinu iha ne’ebá, atu servi de’it sira nia intrese, labele uza oportunidade  ba interese  individu ou intrese  grupu”,dehan Coliati.

Coliati dehann joven sira ne’ebé mak tama forsa  ténki iha iha sentimentu  patriotismu, tanba sentimentu sira  ne’e asuain sira husik hela ba jerasaun  ba  bei oan sira, ne’ebé  valores ne’e mak disiplina.

“Sé hakarak tama forsa hahú kedas nia foti formuláriu  nia ténki hatudu disiplina , la’os tanba formuláriu iha ne’ebá hamosu  problema iha ne’ebá , baku malu tuda malu oho malu ou ba ameasa fali Xefe Suku  ba baku fali liu rai sira  ida ne’e labele akontese , ne’e mak akontese krimi,  krimi  ténki hasoru aparellu Estadu iha Polísia, sé karik ba iha Polísia la konsege rezolve  forsa armas prontu apoiu Polísia hodi tau paz estabilidade”,dehan Coliati.

Coliati akresenta, kuandu formuláriu la to’o  husu atu koopera labele tuda fali Xefe Suku nia uma

 “Ita ba hein fali liurai iha dalan  ida ne’e krimi, ida ne’e ema ne’ebé la merese tama iha forsa armada. Tanba ne’e joven sira ténki garante pas estabilidade iha Suku laran  atu nune’e komisaun rekrurtamentu  hamutuk ho autoridade lokal sira  hamutuk ho veteranus  atu bele hala’o servisu ne’e ho diak  hodi hetan suksesu ba rekrutamentu  2020”,dehan Coliati.

Prezidente Komisaun rekrutamentu ne’e mós klarifika idade  ne’ebé mak tama ba iha rekrutamentu F-FDTLK foun.

“Ha’u mós atu klarifika idade 18 ba too 28  iha ne’ebá públiku tomak, 18 too fali 30  ba Veteranus,  18 ba to’o 35  ida ne’e ba ne’ebé hakarak konkore ba kulinaria”,dehan Coliati.

Lee hotu :   MP finaliza ona kazu abuzu seksuál komete husi eis padre RD

Alende ne’e Segundu  Vise Komisaun rekrutamentu  Nuno  Carvalho dos Santos  hateten, formuláriu ne’ebé mak komisaun  distribui ne’e formulariu original, tanba  ne’e labele halo falsifikasaun.

“Buat sira familiarismu ba ema grupu, tanba  ita lakohi buat sira akontese mak ita limita formiláriu sira ne’e ita bele kontrola, entaun laiha falsifikasaun númeru ne’e  ita mantein ona, sé karik aumentan flexibilidade  ohin señor prezidente rekrutamentu temi  bele mai foti iha kuartel jeneral. Tanba  ne’e  apartir dia 14  dezembru ba leten sira ne’ebé mak laiha oportunidade hetan formuláriu iha Suku bele mai foti iha Kuartel Jeneral F-FDTL Fatuhada”,dehan  Nuno  Carvalho dos Santos.

Antes ne’e mós Xefe Estadu Maior Jeneral F-FDTL Major Jeneral Lere Anan Timur deklara ona rekrutamentu membru F-FDTL priodade ba Veteranu sira-nia oan.avi

 

Add to Comments Here!!!!

error: Content is protected.
Secured By miniOrange
You might also like:
Komemora loron proklamasaun independensia ba 44, Estadu sei fó kondekorasaun ba ema nain 74

Estadu sei fó kondekorasaun ba ema...

Deputadu Gilman hakotu iis tanba atake kardíaku, PN kansela debate OJE 2020 ba loron dahuluk

Parlamentu Nasionál (PN) kansela ajenda diskuasaun...

Estudante Malang Indonézia halo limpeza jeral iha Lecidere

Eis estudante Malang Indonézia,  halibur malu...

Close