Filomeno Paixão: Krime akontese iha kapitál Díli nee organizadu

Ministru Defeza no Interior Interinu, Filomeno Paixão, konsidera krime ne’ebé akontese iha kapitál Díli ne’e krime organizadu.

Filomeno Paixão hato’o lia hirak nee ba jornalista sira, Segunda (04/11) relasiona ho ema deskoñesidu ne’ebé sona membru F-FDTL ida nia matan laran ,iha loron Ida fulan Novembru ne’e.

 “Sim agora iha kriminozu barak  hanesan hau dehan ne’e  iha krime organizadu ona e felizmente mosu ona krime organizadu  e sira halo ona sira nia modalidade oi-oin de operasaun  balun até uza motor la’o mak sona ema ida ne’e sostifikadu oituan ga lae ne’ebé presiza hotu-hotu tau matan labele polisia mesak ,polisia mesak la konsege atu atua tantu iha fatin hotu-hotu atu tau matan ba ema ida-idak kuaze posivel nune’e husu kolaborasaun hotu-hotu nian para denúnsia  populasaun tenki fó hatene semak la’o hodi organiza buat sira ne’e iha ita nia bairu fó hatene para ita bele atua”, dehan Ministru Defeza no Interior Interinu.

Tuir Filomeno Paixão, krime ne’ebé akontese iha kapitál Díli ne’e hanesan krime organizadu, tamba  operasaun ne’ebé durante ne’e  seguransa sira hala’o deskonfia krime ne’ebe mosu mai husi artemarsiais.

Tamba ne’e Filomeno Paixão, husu ba komunidade sira atu koopera  ho seguransa sira hodi nune’e bele asegura ida ida nia bairu.

Membru F-FDTL ne’ebé hetan sona husi ema deskonhesidu ne’e ,hala’o ona tratamentu intensivu iha HNGV.Tos