Fulan ne’e, fahe formuláriu rekrutamentu ba F-FDTL foun

Porta Voz   Rekrutamentu  Forsa Armada Tanente  Koronel  Constantino   Moreira, informa, iha loron  25, fulan ne’e,   sei halo distribuisaun  formuláriu rekrutamentu ba membru F-FDTL foun hamutuk 600.

Membru  foun ne’ebé mak sei rekruta  600 ne’e  kompostu husi  feto no mane, maibé  rekrutamente refere ho rigorozu.

 “Hakarak  hateten ba  públiku  ba povu nia oan feto no mane  katak, komisaun rekrurtamentu  sei hahú distribuisaun formulariu  iha loron 25 fulan ida ne’e. Tan  ne’e ami iha ekipa  13  sei halo distribuisaun formulariu iha munisípiu 12 inklui Rejiaun Administrasaun Espesial Oecussi Ambeno, kada munisípiu ekipa ida-idak”,esplika  Porta Voz   Rekrutamentu  Tenente  Koronel  Constantino   Moreira, ba  jornalista sira tersa  (19/11/19) iha salaun enkontru  kuartel  jeneral F-FDTL Fatuhada Díli.

Tan  ne’e, nia  husu  ba joven feto no mane sira atu  prepara dokumentu  mak hanesan diploma  Sekundáriu  no  ténki legaliza ministériu  edukasaun no altura  minimu   ba feto 155 senti metru no ba mane 162  senti  metro.

No idade hahú 18 anos to’o 35 anos, maibé rekrutamentu.

“Hakarak  hateten  ba  ita boot sira tanba saida mak presiza rekramentu ho ema idade 30 anos, tanba rekrutamentu  ida ne’e liu husi  konsellu ministru , iha despaisu  ida hakarak rekruta povu sira nia oan  ne’ebé iha spesialidade  ba kulinaria. Tanba  ne’e  mak ami extende idade ne’e ba 35 anos”,dehan Constantino   Moreira.

Alende  ne’e aplikante sira ténki halo deklarasaun husi  Xefe Aldeia no Xefe  Suku no visa familia husi Suku  inan aman nian.       No aplikante sira mós ténki hatama kartaun eleitoral no kartauan eleitoral inan  no aman nian.

Sertidaun baptismu aplikante, sertidaun batismu inan no aman  no sertidaun RDTL aplikante no sertidaun  RDTL RDTL inan aman nian, no bilheti  identidade aplikante no bilheti identidade husi inan no aman nian.

Aplikante sira ténki hatama mós sertidaun kazamentu inan  no aman nian  ou deklarasaun berlikadu  , no sertidaun afilasaun arte marsiais  honestidade importante.  No   karta  bom komportamentu husi PNTL,  foto kloridu medida 3×4 tahan rua. Dokumentu sira sei tau iha mapa koor modok  ba mane no mean ba feto.

Nia  husu ba aplikante sira  ténki prense kriteria sira ne’e.

 Constantino   Moreira akresentan, mekanismu distribuisaun  formuláriu  komisaun sei halo ho maneira proporsionalidade. Tanba  ne’e joven sira mak presiza formuláriu la presiza mai hadau malu formuláriu iha Díli, hein  imi  nia fatin orijin  ou Suku, ekipa husi komisaun organizadora  sei lori formuláriu  ba too  iha Suku sira  iha tritoriu  nasionál  no kada Suku sei hetan formulariu 25.

Bainhira  simu formuláriu aplikante sira ténki prense ho letra boot  no uza lapijeira tinta koor ajul.  Komisaun la permite hakerek ho letra kiik labele uza lapijeira tinta koor metan.

“Tanba  ne’e husu ba joven feto no mane atu lee didiak informasaun ne’ebé mak sei taka  iha  imi nia Suku”,dehan Constantino   Moreira.

Komisaun mós sei halo selesaun ho regurozu, tanba ne’e , Tanba  ne’e bainhira responde  pergunta iha formuláriu  tetu ho didiak  labele halo foer.

“Tanba   vaga ne’ebé  mak instituisaun F-FDTL loke hamutuk 600, entaun ténki lee didiak mak responde  karik mosu duvida ruma  atu prense bele liga mai iha  pontu kontaktu  ou ofisial kontaktu  husi komisaun rekkrutamentu ho  númeru kontaktu 77053692 hodi bele solusiona  ita boot sira nia duvida. No tempu atu prense formulariu  fó fulan ida ho balu hahú husi data sira ita boot sira foti formuláriu  too dia 13 Janeiru 2020, no komisaun sei tuun dereitamente iha ita boot sira nia Suku  hodi rekolha formuláriu sira ne’e hahú husi dia 16  janeiru  2020” Constantino   Moreira.

Constantino   Moreira  reforsa tan, rekrutamentu ne’e periodade  ba Veteranus nia oan   no mártieres.avi