Komisaun konjunta investiga problema entre F-FDTL-PNTL iha finadu

Foto:Facebook

Problema entre membru FALINTIL Forsa Defeza Timor Leste (F-FDTL) no Polísia Nasoionál Timor Leste (PNTL) ne’ebé  akontese iha loron finadu iha semitériu Bekusi foin lalais ne’e rezolvidu ona, maibé F-FDTL no PNTL forma ona ekipa konjunta investigative ida hodi investiga kazu refere.

Xefe Estadu Maior FALINTIL Forsa Defeza Timor Leste (F-FDTL), Maijor Jeneral Lere Anan Timor hatete, relasiona ho kazu ne’e, Komandante F-FDTL no PNTL tu’ur hamutuk ona hodi haree kazu refere.

 “Ha’u hakarak esklarese ba komunidade katak, Militar ho PNTL sira maduru ona, sira hatene rezolve sira-nia problema, iha ne’ebé sira mak kria problema entre sira no rezolvidu duni iha fatin akontesimentu, depois relata ba komando, ami nain rua horseik ha’u ho Faustino tu’ur hamutuk forma ona komisaun konjunta ida para halo investigasan, hodi buka hatene se mak sala”, dehan Lere Anan Timur ba Jornalista sira Kuarta (6/11/2019) iha Palásiu Prezidensial Nicolau Lobato Bairo Pité Díli.

Lere haktuir, elementus PNTL no Militar sira-nia komportamentu bele afeta ba estabilidade nasaun, nune’e mak problema ne’e rezolvidu ona.

“Ha’u louva ba sira, bainhira iha problema tenke rezolve kedan hanesan ne’e, ita mak halo problema ita mak la rezolve, no labele lori kilat se ba malu fali”, subliña Lere.oly