PNSIK identifika ema nain 60 konsumu droga

Polisía Nasionál Servisu Investigasaun Kriminal (PNSIK), identifika ema nain 60 konsumu droga iha Timor- Leste. Husi numeru nee 31 timoroan no 29 ema estranjeiru, sira konsumu hahu husi tinan 2008 to’o 2015.

“Iha ita nia estatistíka ne’e hatudu ,laos Timor oan de’it ,maibé sidadaun Indonézia ne’eb’e mak iha Timor-Leste ho sidadaun Timor oan ne’ebé mak afetadu ona ba droga ne’e por volta 60 pessoas, ida ne’e mak ita nia data ne’eb’e iha husi 60 ne’e Timor oan 31 pesoas restu ne’e ema estranjeiru”, dehan  Ajente Xefe PNTL  Gastão Piedade, husi seksaun PNSIK wainhira sai oradór iha kampaña kontra droga ne’ebé realiza husi Menino do Coro Santo António Motael ,iha salaun Tower Fatuhada,Sabadu (9/11).

Tuir estatistístika PNSIK ema nain 60 nee  konsumu droga ho tipu oin haat, sahbu-shabu, marijuana, extasi inklui  kokaina.

Gastão Piedade  hatete,konsumidor sira ne’e balun tama prizaun tinan  ona prizaun  no balun sei prosesu, balun deporta fila ba sira nia rai no balun livre.

Koordenadór Operasaun Konjunta Alfandega, Dionisio da Cruz Pereira, hatete ema sira ne’ebé hala’o atividade droga ne’e ladauk identifika ,tamba fasilidade ne’ebé pesoal sira utiliza iha fronteira limitadu tebes nune’e bele hafasil ema hatama droga mai Timor.

Dionisio ,esplika sidadaun estranjeitu ne’ebé konsumu droga ne’e mai husi nasaun Indonézi, Chin,Afrika no Amerika inklui Timor-Leste.Tos