JVRSS soke mate aman no oan la detein iha sela

Tuir informasaun husi Polísia, motorista JVRSS, ne’ebé mak kondus kareta Ford Ranger soke mate abitante nain rua núdar aman no oan,  to’o Polísia la detein iha sela detensaun munisípiu Díli.

Relasiona  ho informasaun ne’e parte familia vítima Domingos  Lopes Borges,lamenta tebes ho aktu sira ne’e.

 Tanba  ne’e  nia husu ba Polísia atu detein suspeitu JVRSS  ne’ebé mak soke mate ona Nonato Lopes núdar Aman no Jonathan Borges Lopes núdar oan mate fatin akontesimentu Praia dos coqueiros.

“Ami  ne’e vítima   tiha ona, mas tuir lei ne’ebé mak  iha suspeitu ténki kumpri detein. Ne’e prosesu ténki la’o bainhira iha konkordansia entre familia rua ne’e mak oinsa, atu responsabiliza ba inan faluk no oan nain tolu, ne’ebé mak matebian husik hela”,esplika vítima Domingos  Lopes Borges, ba  GMN Domingu (01/12/19), iha Aldeia Moris Foun  A Suku Komoro Munisípiu Díli.

Asidente trafégu ne’e akontese Sabdu (30/11/19), iha praia dos Coqueiros, iha  oras meudia iha praia  dos coqueiros.

Hafoin akontese tiha kazu ne’e,  Polísia tránzitu munisípiu Díli kontaktu carro funerariu hodi mai tula mate isin nain rua iha fatin refere hodi transporta ba iha mortuariu Hospital Nasionál Guido Valadares.

Maibé tuir informasaun husi         Domingos  Lopes Borges, ho nia familia sira desidi  la halo autopsia. Tan ne’e  iha  Domingu (01/11/19) mais ou menus tuku 10 dadersan familia sira transporta mate isin rua ne’e ho carro funerariu rua  ba matebian nia moris fatin Tapo Maliana hodi hala’o seremonia funébre tuir kultura munisípiu Bobonaro.

Familia vítima husu,  motorista JVRSS atu nia familia sira responsabiliza ba aktu ne’ebé mak afeta ba asidente tráfegu hodi rezulta   Nonato Lopes no  Jonathan Borges Lopes nia mate.avi