JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu sosa kareta Prado ba deputadu, Xanana Gusmão presta deklarasaun iha TDD

Kazu sosa kareta Prado ba deputadu, Xanana Gusmão presta deklarasaun iha TDD

Líder karismátiku Kay Rala Xanana Gusmão, Kinta (5/12/2019), presta deklarasaun iha Tribunal Distrital Díli (TDD), iha ne’ebé sai nu’udar sasin ba kazu sosa kareta Prado ba deputadu Parlamentu Nasional (PN) lejislatura datoluk nian ne’ebé envolve husi arguidu  nain tolu hanesan VG, JRA no FCS, iha tinan 2008 liu ba. Xanana Gusmão sai nu’udar sasin ba kazu ne’e, tanba momentu ne’eba nia asume pasta nu’udar Primeiru Ministru iha Governu konstitusional dahát.

Tribunál Distrital Díli hala’o julgamentu ba kazu sosa kareta Prado ba deputadu lejislatura Datoluk ne’ebé deskonfia involve  arguidu nain 3 eis Prezidenti Parlamentu Nasional VG, JRA no FCS.

Lider karismátiku ne’e iha koñesimentu klean konabá prosesu tomak ba sosa kareta prado ba deputadu lejislatura Datoluk.

Iha audiénsia julgamentu ne’e tribunal fó tempu ba sasin hodi esplika katak, situasaun saida maka lori halo ajustu e direitu, entaun situasaun de urjensia, tamba iha momentu ne’ebá iha atentadu kontra Eis Prezidente José Ramos Horta, atentadu kontra nia rasik hanesan Primeiru Ministru iha momentu ne’ebá.

“Ho situasaun ida ne’e maka lori atu halo ajustu e direitu, laos ida ne’e de’it deputadu sira presiza kareta atu ba kontaktu baze iha munisipiu, tanba iha momentu ne’ebá situasaun tensu makaas, manas entaun presiza atividade makaas parlamentar nian, entaun deputadu sira balun iha momentu ne’ebá uza de’it kareta ho motor entaun iha nesesidade bo’ot ida atu sosa kareta atu halo atividade parlamentar, tanba situasaun mós manas makaas nune’e laiha estabilidade ba paz ba ema nian. Entaun iha urjensia ida makaas, tamba ne’e iha nesesidade atu bele halo ajusta direta ba akizasaun kareta 65 ba Parlamentu Nasionál ne’e razaun makaas no nia rasik maka asina kontratu ne’e. Nia iha koñesimentu konaba situasaun sira ne’e hotu no nia rasik ohin esplika katak, antes nia asina surat ida nia sempre koordena ho ema ne’ebé servisu iha aprovizionamentu ho akizasaun kareta nian sempre haruka informasaun ba nia ho baze informasaun tomak ne’ebé maka nia konfia no nia mos aprofunda katak, los duni mak nia bele fó desizaun”,advogadu Privadu José Guterres,ba jornalista sira iha TDD,Kinta (5/12).

Lee hotu :   Ohin, aniversáriu ba dala 18 tranformasaun forsa guerilla FALINTIL ba F-FDTL

Hafoin julgamentu, sasin ba kazu ne’e, Kay Rala Xanana Gusmão, lakohi fó komentáriu ba jornalista tanba okupadu ho servisu.

Entertantu arguidu sira deskonfia komete krime partisipasaun ekonomia no negósiu iha ne’ebé previstu iha artigu 299 husi kódigu penal Timor-Leste relasiona ho sosa kareta prado ba deputadu lejislatura datoluk, ne’ebé fo prezuizu ba Estadu ho montante USD 14.000 ba kada kareta.

Audiénsia julgamentu ne’e prezide husi juiz kolektivu, Afonso Carmona, António Fonseca no juiz estajiariu; Ministériu Públiku reprezenta husi Prokurador Jacinto Babo no arguidu sira hetan asisténsia legál husi advogadu privadu.Tos

Add to Comments Here!!!!

error: Content is protected.
Secured By miniOrange
You might also like:
Yogi Rizkin Bahar husu funsionáriu Telkomcel prevene a’an husi droga

Chief Executive  Officer (CEO) Yogi Rizkin...

Kazu baku malu membru PM no BOP, Falur Rate Laek promete sei foti medida

Xefe Estadu Maior  Jeneral FALINTIL Forsa...

Evita orsamentu duodésimu, FRETILIN ezije Governu lori hikas OJE 2020 tuir promesa

Xefe bankada FRETILIN, Aniceto Guterres Lopez,...

Close