Lere preokupa eis membru GAM ba juramentu nafatin iha Indonézia

Xefe Estadu Maior Jenerál FALINTIL Forsa Defeza Timor-Leste (F-FDTL) Major Jenerál Lere Anan Timur, preokupa los ho eis Grupu Arte Marsiál (GAM) Timor-oan ne’ebé sempre ba halo juramentu nafatin iha Indonézia hodi sa’e sintu.

Lere Anan Timur  hato’o preokupasaun ne’e, ba Almirante Forsa Marina  Indonézia Harjo Susmoro, wainhira hala’o vizita  ba  iha  Kuartel Jenerál F-FDTL Fatuhada Díli  Kinta  (12/12/19).

“Ha’u mós  foti kestaun kona-ba arte marsial, ha’u dehan ba Jenerál  katak,  arte marsiais  ne’e uluk imi mak kuda iha Timor, agora sira ba halo fali juramentu iha imi nia rai ne’ebá, entaun halo oinsá mak ita bele servisu hamutuk  para  ita neutraliza, minimiza problema sira ne’ebé mak agora dadauk”,esplika  Lere Anan Timur.

Alende ne’e  rezolusaun Governu númeru 16/2013, deside taka ona eis GAM hanesan Persaudaran Seti Hati (PSHT) Kmanek Oan Rai Klaran (KORK) no Ikatan Kera Sakti (IKS) no  lei númeru 5/2017/ fó forsa PNTL atu kontrola  eis arte marsial sira ne’e, wainhira hala’o atividade treinu subar-subar.avi