PNTL bandu komunidade harii prezépiu iha dalan ninin

Polisia Nasional Timor Leste (PNTL) bandu Komunidade sira harii prezépiu iha dalan ninin, atu nunee labele prejudika movimentu transporte públiku.

Komandante Jeral PNTL, halo aprosimasaun ho parte Igreja liu husi Diocese, inklui mos parte Governu atu labele harii prezépiu iha Estrada ninin.

Tanba parte, PNTL táu ona pontus katak  tinan ne’e komunidade no Governu labele harii prejeepiu iha Estrada ninin.

“Tinan ne’e prezepiu PNTL husu mos ba Igreja atu kada bairo labele halo prezepiu iha estrada ne’e ita la aseita, husu mos ba iha vias publikus Governu atu harii prezepiu balun, bele harii deit iha edifisius ministériu, tanba husi ne’e ita hahu nota ona, parke habibi, parke balun seluk maibe la’os atu tau iha estrada ninin tenki iha laran ne’e mak ami hatoo atu evita Engrafamentu,”dehan, Komandante Jeral PNTL, Komisariu Faustino da Costa, ba Jornalista sira Palásiu Prezidensial Nicolau Lobato – Bairo Pite, Sesta (06/12/2019)

Nune’e mos, komando PNTL mos orienta ona ba Komando Polisia Munisípiu 12 inklui Reajiaun Administrativu Espesial Oe-Cusse Ambeno (RAEO-A), atu koordena ho komunidade hodi labele halo prezépiu iha estrada ninin. Eus