JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ramos Horta: Favor PN aprova lalais LAK ■Preokupa ho juis sira foti desizaun arbiru

Ramos Horta: Favor PN aprova lalais LAK ■Preokupa ho juis sira foti desizaun arbiru

Eis Prezidente Repúblika (PR), José Ramos Horta, husu ba membru Parlamentu Nasional (PN) sira atu aprova lalais ona Lei Anti Korupsaun (LAK) ne’ebé to’o oras ne’e sei pendente hela iha PN.  

Tuir José Ramos Horta, LAK ne’e fasil atu halo, la’os difisil. Tanba ne’e Estadu labele dada bebeik atu labele aprova LAK ne’e.

“Prezidente Parlamentu koalia ho bankada Governu nian, tanba sa mak tinan lobuk ida nia laran ne’e Governu AMP primeiru to’o agora lai LAK. Ne’e buat ida simples los, la’os halo buat ida foun. Ne’e bele kopia deit LAK Indonézia nian, ne’ebé-ne’ebé nian, ne’e la’os atu halo fali buat ida foun. LAK iha mundu ne’e barak, ne’ebé buat ida fasil,”dehan Ramos Horta.

Nia mos rona iha Timor-Leste ne’e ema hot-hotu koalia kontra korupsaun, entaun Estadu labele nonok deit ho preokupasaun públiku nian ne’e.

“Favor aprova Lei Anti Korupsaun ne’e para fó poder ba ita nia instituisaun sira para kombate korupsaun,”dehan nia.

Mekanizmu atu kombate korupsaun iha rai laran, Ramos Horta, fó hanoin katak, primeiru investigasaun tenke didiak.

“KAK, PJR, kuandu halo investigasaun, tenke halo investigasaun didiak, 100%, labele hetan politizasaun, Tribunal sira tenke estuda kazu sira, se lae ema balu inosente ba Kadeia,”hatete diplomata senior Timor-Leste ne’e.

Ramos Horta mos preokupadu ho juiz sira iha tribunal ne’ebé foti desizaun arbiru, hanesan foin dadauk Tribunal Rekursu, rekoñese fallansu boot ida kona ba kazu eis Ministra Justisa, Lucia Lobato nian.

“Justisa halo julgamentu fó pena la hanoin didiak, la sukat didiak ema ne’e inosente, ne’e ita nia poder judisial mos lakon kredibilidade. Timor podia judisial labele lakon kredibilidade. Poder judisial tenke forte, tenke integridade, tenke iha matenek, sira-nia kursu ne’e tenke husi universidade ne’ebé forte, laós universidade ne’ebé fó diploma arbiru,”kestiona Ramos Horta.

Lee hotu :   Ema lori motorizada atravesa rezidénsia PR Lú Olo

Sosiedade sivíl: PN la sériu diskuti LAK

Sosiedade sivíl konsidera Parlamentu Nasionál (PN) laiha seriedade diskuti esbosu Lei Anti Korrupsaun (LAK) ne’ebé to’o oras ne’e sei pendente hela.

Diretur Ezkutivu FONGTIL Daniel dos Santos hato’o deklarasaun ne’e, liu husi konferensia imprensa iha Caicoli, Díli, Segunda (9/12/2019) relasiona ho lei anti korupsaun ne’ebé pendenti hela iha komisaun A Parlamentu Nasionál desde tinan rihun rua sanulu resin neen maibé to’o ohin loron seidauk ajenda ba diskusaun.

Daniel dos Santos hateten atu prevene no kombate korupasaun iha Timor-Leste la’os deit Komisaun Anti Korupsaun maibé presiza involvimentu sidadaun hotu tanba ne’e sidadun hotu tenke iha korajen atu hakribi aktu korrupsaun.

“Luta ba prevene no kontra korupsaun iha Timor-Leste la’os KAK nian deit, maibe presiza envolvimentu sidadaun hotu nian, no sidadaun tenke iha korajen atu hakribi aktu korupsaun,”realsa Diretór Ezekutivu FONGTIL, Daniel do Santos

Diretur Kadalak Sulimutu Institutu Jenito Santana husu Parlamentu atu iha vontade hodi diskuti lalais lei anti korrupsaun ne’ebé to’o oras ne’e sei iha meza parlamentu.

“Ami konstinua ezije ba Parlamentu Nasional, para bele halo sira nia knaar ho lolos. Tanba tinan hira nia laran lei ne’e budu hela iha parlamentu ne’eba la kontinua debate, ne’e problema boot ba ita-nia rai,”dehan Diretór Kadalak sulimutu Institutu Jenito Santana

Tuir observasaun husi Sosiedade sivíl katak durante ne’e Komisaun Anti Korupsaun hein deit keisa husi públiku no ministériu sira maibé KAK la tun direta ba terrenu hodi identifika no halo investigasuan kazu ne’ebé akontese.

Tuir dadus ne’ebé JSMP iha husi Tribunal Rekursu hahú husi tinan 2002 to’o 2019 JSMP rejista hamutuk 93 no kazu 53 mak iha ona desizaun ne’ebé involve eis membru Governu eis Sekretariu Estadu no mós autoridade lokál sira.avi

Add to Comments Here!!!!

error: Content is protected.
Secured By miniOrange
You might also like:
KAK sei kria lei kontrola emprezáriu kaer projetu laiha kualidade

Komisaun Anti Korupsaun (KAK) sei kria...

PN: Númeru krime aumenta tanba fatór ekonomia sosial

Membru Parlamentu Nasional (PN) husi bankada...

PN husu ba PM Taur troka Vise MS nain rua ■Élia rekoñese iha dezintendimentu

Reprezentante povu iha uma fukun Parlamentu...

Close