Selebrasaun tinan-foun, Filomeno Paixão la autoriza joven hemu-tua iha estrada ninin

Ministru Defeza no Interior Interinu Filomeno Paixão, la autoriza  joven sira hemu tua iha estrada ninin hodi prevene konflitu iha bairu sira.

Filomeno Paixão hato’o lia hirak ne’e ba  jornalista sira  relasiona ho kazu tentativu homesidu  ho kazu sira akontese tanba kauza husi ema hemu lanu hafoin kria problema.

“Ha’u  fó hatene ba  Polísia atu haree liu-liu  iha loron boot haree ema agrupamentus  bainhira ema hemu tua ne’e  la diak, hemu tua  ne’e iha uma, ba hemu iha bar  la’os bah emu fali iha estrada. Uluk  ita halo prejepi, aporveita hemu tiha halo ajunera hodi halo vingansa depois halo krimi, ida  ne’e mak ténki evita. Ha’u mós apelu ba  populasaun, evita. Tempu agora buka ita nia inan aman no ema ne’ebé mak ita la diak malu ita buka atu dame malu”, esplika Ministru Defeza no Interior Interinu Filomeno Paixão, ba  jornalista sira Sesta (27/12/19)  iha edifisiu Ministériu Interior  Villa-Verde Díli.

Governante  ne’e akresenta, iha posibilidade sei aluga kareta tan hodi fó apoiu ba PNTL  atu bele garante seguransa  ne’ebé mak diak  liu ba komunidade sira.

Antes ne’e mós Komandante Jerál PNTL Komisáriu Faustino da Costa, apela ba komunidade hotu atu kontribui ba  paz  no estabilidade, maibé  iha selebrasaun natal foin lalais ne’e   krime kontinua akontese.avi